REAL parlamentə iki qanun layihəsi təqdim edəcək
Bakı/28.02.19/Turan: Respublikaçı Alternativ Partiyası iki qanun layihəsinə dəstək üçün 40 min seçici imzası toplayıb. Bu qanun layihələri yaxın günlərdə Milli Məclisə təqdim ediləcək. Bu barədə bugünki mətbuat konfransında REAL partiyasının sədri İlqar Məmmədov bildirib.
Qanun layihələrindən birində iki problemin - əhalinin kredit borcları və pulsuz ali təhsil məsələsinin həlli təklif edilir.
İkinci qanun layihəsi seçkili Bakı meri vəzifəsinin tətbiq edilməsi ilə bağlıdır.
Konstitusiyaya əsasən, parlament 40 min seçicinin dəstəklədiyi qanunvericilik təşəbbüslərinə baxmalıdır.
REAL üç ay ərzində 41 658 imza toplayıb.
Məmmədovun sözlərinə görə, imzaların 40%-i Bakıda, 60%-i regionlarda toplanıb. Kampaniyada 750 nəfər - 500 partiya üzvü və 250 könüllü iştirak edib.
REAL problemli kreditlərin həllini vətəndaş-bank- iş adamları üçlüyü çərçivəsində görür. Buna gücü çatmayanların kreditlərini isə dövlət öz hesabına silməlidir.
REAL həmçinin tamamilə pulsuz ali təhsil tətbiq edilməsini təklif edir. Çünki hazırki həyat səviyyəsində pullu təhsil əhalinin təhsildən uzaqlaşması deməkdir.
Seçkili Bakı meri institutuna gəlincə, Azərbaycan hələ 2001-ci ildə Avropa Şurası qarşısında belə bir öhdəlik götürüb.
Bu gün Azərbaycan Avropada şəhər meri seçilməyən yeganə paytaxtdır.
"İndi söz Milli Məclisindir, biz imzaları və qanun layihələrini yaxın günlərdə Milli Məclisə təqdim edəcəyik və yaxın iki ay ərzində bizə ya müsbət və ya mınfi cavab verməlidir", - deyə İ.Məmmədov bildirib.
Sualları cavablandıran Məmmədov deyib ki, Bakı meri seçkilərinin keçirilməsi haqqında təklif qəbul edilərsə, REAL seçkilərdə iştirak edəcək. -06D-
-
- İqtisadiyyat
- 28 Fevral 2019 12:51
-
- Maliyyə
- 28 Fevral 2019 14:07
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz