AA
Rəcəb Tayyib Ərdoğan Azərbaycana gəlir
Bakı/26.10.21/Turan: Bu gün Türkiyə prezidenti Rəcəb Tayyib Ərdoğan prezident İlham Əliyevin dəvətilə Azərbaycana birgünlük işgüzar səfərə gəlir.
Səfər 2020-ci ildə İkinci Qarabağ Müharibəsi zamanı erməni işğalından azad edilmiş Füzuli şəhərində beynəlxalq aeroportun açılış mərasiminə həsr olunub.
İki ölkə liderləri Türkiyənin dəstəyilə Zəngilanda inşa olunacaq "ağıllı aqropark"ın təməlqoyma mərasimində də iştirak edəcəklər.
Bundan əlavə, prezidentlərin iştirakı ilə Əhmədbəyli-Horadiz-Mincivan-Ağbənd və Əhmədbəyli-Füzuli-Şuşa yollarının çəkilişi üzrə işlərə start veriləcək.
Türkiyə liderinin rəsmi qarşılanma mərasimi Birinci Ağalı kəndi ərazisində olacaq.
Səfər çərçivəsində Türkiyə və Azərbaycan arasında ikitərəfli münasibətlərin bütün aspektləri müzakirə olunacaq və əməkdaşlığın dərinləşdirilməsinə yönələn addımlar nəzərdən keçiriləcək.
Görüşlər zamanı cari regional və beynəlxalq hadisələr barədə də fikir mübadiləsi aparılacaq, “Anadolu” agentliyi bildirib.
Füzulidə aeroportun tikintisinə 14 yanvar 2021-ci ildə Türkiyə şirkətlərinin iştirakı ilə başlanılıb. Zolağın uzunluğu 3 kilometr, eni 60 metrdir. Terminal 200 sərnişin üçün nəzərdə tutulub. Hava limanı Bakıdan 300 kilometr, Şuşadan 100 kilometr məsafədə yerləşir. -0-
-
- Bazarların icmalı
- 26 Oktyabr 2021 11:17
-
- Cəmiyyət
- 26 Oktyabr 2021 11:20
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz