Bakı/24.10.20/Turan: Oktyabrın 17-də Gəncəyə atəş açılması nəticəsində yaralanan 13 yaşlı Mayakov Artur Vasilyeviç Gəncə xəstəxanasında aldığı xəsarətlərdən dünyasını dəyişib.
Azərbaycan prezidentinin köməkçisi Hikmət Hacıyev Ermənistan tərəfin yaşayış məntəqələrinə atəş açmasını pisləyib, bunun mülki əhalinin, o cümlədən uşaqların ölümünə gətirib çıxardığını qeyd edib.
Xüsusən, o qeyd edib ki, bu gün Tərtər rayonunun və kəndlərinin “Smerç” raketlərindən atəşə tutulması nəticəsində 2004-cü il təvəllüdlü İsmayılzadə Orxan Rəhbər oğlu həlak olub.
“17 oktyabrda Gəncənin yaşayış məntəqələrinin SCUD tipli raketlərdən atəşə tutulması nəticəsində ağır yaralanmış Rusiya Federasiyası vətəndaşı 2007-ci il təvəllüdlü Mayakov Artur Vasilyeviç (Ramiz oğlu) həkimlərin səylərinə baxmayaraq stasionar qaydada müalicə olunduğu xəstəxanada vəfat etmişdir. Mayakov Artur Vasilyeviç Gəncəyə bibisigilə qonaq gəlmişdi.
Mərhum Gəncə şəhər İcra Hakimiyyətinin və Gəncə şəhər Aleksandr Nevski kilsəsinin dəstəyi ilə pravoslav xristian dini ənənələrinə uyğun olaraq dəfn olunacaqdır. Xarici İşlər Nazirliyi vasitəsilə bu barədə Rusiya Federasiyasının Azərbaycandakı səfirliyinə məlumat verilmişdir”, deyə Hacıyev bildirib.
O qeyd edib ki, Ermənistan SQ dövlət terroru siyasətini davam etdirir, hazırda Ermənistan silahlı qüvvələri Azərbaycanın cəbhə xəttində yerləşən şəhərlərini ağır atilleriya və digər silahlardan atəşə tutur.
Ermənistandan fərqli olaraq, Azərbaycan mülki şəxsləri hədəfə almır.
“Azərbaycanın işğal olunmuş ərazilərində yaşayan mülki insanları hərbi obyektlərdən kənar durmağa çağırırıq... Azərbaycanın mülki erməni əhalisi ilə işi yoxdur. Azərbaycan tərəfə keçmək istəyən mülki şəxslərə və hərbçilərə bütün humanitar yardım və dəstəyi göstərməyə hazırıq. Mülki insanlara qarşı törədilmiş müharibə və hərbi cinayətlərə, hərbi avantüraya görə məsuliyyəti tam şəkildə Ermənistanın siyasi-hərbi rəhbərliyi daşıyır”, deyə Hacıyev bildirib.
Qeyd edək ki, bir qədər əvvəl Baş Prokurorluğun məlumatında Mayakov Arturun ata adı Ramiz kimi göstərilmişdi. Amma məlum olub ki, uşaq xəstəxanaya qəbul edilərkən ata adı səhv yazılıb.
Sonradan məlumat pasport məlumatları əsasında dəqiqləşdirilib. -0-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz