![Rusiya Avropa İttifaqının Ermənistandakı missiyasının daimi status alacağından ehtiyat edir](https://turan.az/resized/news/2024/7WnT7u0daUzHqQ5WlDQ11HXj7cwtoyRax40pT9oh-750-500-resize.webp)
Rusiya Avropa İttifaqının Ermənistandakı missiyasının daimi status alacağından ehtiyat edir
Rusiya Avropa İttifaqının Ermənistandakı missiyasının daimi status alacağından ehtiyat edir
Avropa İttifaqının Ermənistandakı missiyasının daimi status ala biləcəyi Rusiyanı narahat edir. Bu barədə Rusiya xarici işlər nazirinin müavini Mixail Galuzin bildirib.
Martda Ermənistan parlamenti Avropa İttifaqının Azərbaycanla sərhəddəki missiyasının statusu haqqında sazişi ratifikasiya edib. Saziş müşahidəçilərə immunitet və güzəştlər, o cümlədən saxlanmadan və həbsdən toxunulmazlıq verir.
Galuzin bu ilin aprelində Avropa İttifaqı missiyasının tərkibində Kanada nümayəndələrinin olduğunu qeyd edib. Onun fikrincə, bu, NATO-nun Cənubi Qafqaza nüfuz etdiyini göstərir. Rusiya tərəfi Avropa İttifaqı missiyasının fəaliyyətinin Rusiya obyektləri və Ermənistanla qonşu dövlətlər - İran və Türkiyə barədə kəşfiyyat məlumatlarının toplanmasına yönəlməsindən ehtiyat edir.
"Avropa İttifaqının Ermənistandakı missiyasının fəaliyyətini mənfi qiymətləndiririk, bu barədə dəfələrlə bildirmişik. Avropa İttifaqının vəzifəsi məlumdur və ondan ibarətdir ki, ənənəvi tərəfdaşların və Cənubi Qafqaz dövlətlərinin qonşuları - Rusiya, İran, Türkiyənin maraqlarına ziyan vuraraq regionda möhkəmlənsin", - Qaluzin deyib.
Rusiya dəfələrlə Avropa İttifaqının Ermənistandakı missiyasına mənfi münasibətini bildirib və vurğulayıb ki, o, Ermənistan-Azərbaycan sərhədində vəziyyətin kəskinləşməsinin qarşısını almayıb.
Rusiya əmindir ki, Cənubi Qafqazda davamlı sülhə yalnız 2020-2022-ci illərdə Rusiya, Azərbaycan və Ermənistan liderlərinin əldə etdikləri üçtərəfli razılaşmaların yerinə yetirilməsi sayəsində nail olmaq olar.
Avropa İttifaqının uzunmüddətli missiyası 20 fevral 2023-cü ildə 2 il müddətinə Ermənistanda yerləşdirilib və əvvəlcə 100 nəfərdən ibarət olub. 2023-cü ilin dekabrında Avropa İttifaqı missiyanın 209 nəfərə qədər artırıldığını bildirib.
Siyasət
-
İyulun 18-də Blenheym sarayında (Böyük Britaniya, Oksfordşir) Avropa siyasi birliyinin dördüncü görüşündə qitənin hər yerindən liderlər bir araya gələcək.
-
İyulun 17-18-də Bakıda Korsika, Melaneziya, Polineziya, Karib və Antil adaları qrupundan 15-dən çox siyasi partiya və müstəqillik hərəkatlarının rəhbər şəxslərinin iştirakı ilə birinci qurultayı keçiriləcək. Qurultayı Qvadelupanın azadlığı naminə Xalq Birliyi və Bakı Təşəbbüs Qrupu təşkil edib. .
-
Prezident İlham Əliyev "Respublika Qan Bankı" publik hüquqi şəxsin yaradılması haqqında fərman imzalayıb.
-
Dövlət başçısının sərəncamı ilə Eyvaz Qurbanov Oğuz rayonunun icra başçısı vəzifəsindən azad edilib.
Azərbaycanda növbəti devalvasiya gözlənilir? – Natiq Cəfərli Çətin sualda
Xəbər lenti
-
- Cəmiyyət,
- 14:22
- 312
-
- Foto sessiyalar,
- 13:30
- 400
-
- Siyasət,
- 12:18
- 196
-
- Cəmiyyət,
- 11:08
- 497
Rəy yaz