Rusiya Ermənistan üzərində Mi-24 vertolyotunun vurulması işi üzrə Azərbaycandan hüquqi yardım istəyib

Bakı/05.01.21/Turan: Rusiyalı hərbi müstəntiqlər Ermənistan və Azərbaycan sərhəddində Mi-24 hərbi vertolyotunun qəzaya uğraması faktı üzrə cinayət işinin istintaqında azərbaycanlı həmkarlarından kömək istəyiblər, bu barədə "İnterfaks" a vəziyyətlə tanış olan mənbə məlumat verib.

“Bu işin istintaqı zamanı bir sıra istintaq hərəkətlərinin aparılmasına, o cümlədən bəzi şübhəli şəxslərin şəxsiyyətinin, eləcə də bu hadisə ilə bağlı bəzi halların dəqiqləşdirilməsinə zərurət yaranıb. Bununla əlaqədar Azərbaycana beynəlxalq hüquqi yardımın göstərilməsi barədə sorğu göndərilib", - agentliyin müsahibi bildirib.

O qeyd edib ki, yalnız müvafiq materiallar alındıqdan sonra Rusiya hərbi pilotlarının ölümündə ittiham irəli sürülməsi məsələsi həll olunacaq.

"Söhbət verilə bilməyəcək əcnəbi vətəndaşlardan getdiyindən Rusiya tərəfi çox güman ki, günahkarların məsuliyyətə cəlb edilməsi üçün istintaq materiallarını Bakıya göndərəcək", –agentliyin həmsöhbəti deyib.

O xatırladıb ki, hazırda Rusiya İstintaq Komitəsinin hərbi müstəntiqləri RF CM-in "İki və ya daha çox şəxsin qəsdən öldürülməsi" maddəsilə cinayət işini araşdırırlar. Bu maddə ömürlük azadlıqdan məhrum etməyə qədər cəza nəzərdə tutur.

"Yaxın zamanlarda istintaqın müddəti daha iki ay uzadılacaq", - mənbə qeyd edib.

Noyabrın 9-da Rusiya Müdafiə Nazirliyi bildirib ki, Azərbaycan hərbçiləri Ermənistan ərazisi üzərində Yerasx yaşayış məntəqəsinin yaxınlığında Rusiyanın "Mi-24" vertolyotunu vurublar. Hərbçilərin məlumatına görə, vertolyot Dağlıq Qarabağda hərbi əməliyyatlar zonasından kənarda daşınan zenit-raket kompleksi ilə vurulub. Nəticədə iki nəfər ekipaj üzvü həlak olub, bir nəfər orta dərəcəli xəsarət alıb.

Azərbaycan Müdafiə Nazirliyində Rusiya tərəfindən üzr istənilib və bildirilib ki, vertolyot "təsadüfən" vurulub. Orada da bəyan ediblər ki, buna görə kompensasiya ödəməyə hazırdırlar.

Vertolyot Naxçıvan Muxtar Respublikası (Azərbaycan) sərhəddinin yaxınlığında hava məkanında Rusiyanın 102-ci hərbi bazasının avtokolonunu müşayiət edib, RF Müdafiə Nazirliyindən qeyd ediblər.

Öncə RF CM-in 351–ci maddəsi (uçuşların və ya onlara hazırlıq qaydalarının pozulması, ehtiyatsızlıqdan ölümə səbəb olduqda) ilə başlanmış cinayət işi sonra daha ağır maddəyə - 105-ci maddənin 2-ci hissəsinə (iki və ya daha çox şəxsin qəsdən öldürülməsi) tövsif edilib.—0—