Rusiya Federasiyası iqtisadi əlaqələrin bərpasına və Zaqafqaziyada nəqliyyat dəhlizlərinin açılmasına görə - Putin
Bakı/18.11.21/Turan: Ermənistan-Azərbaycan sərhədində bu yaxınlarda baş vermiş atışmalar göstərdi ki, bu regionda vəziyyət hələ də tam sakitləşməyib, bu şəraitdə Rusiya diplomatiyasının gələcək nizamlanma üçün rolu artır, deyə RF Prezidenti Vladimir Putin cümə axşamı bildirib. O xatırladıb ki, bir il əvvəl Rusiyanın fəal vasitəçilik səyləri nəticəsində Dağlıq Qarabağ münaqişəsi dayandırılıb.
"Lakin bu yaxınlarda Ermənistan-Azərbaycan sərhədində atışmalar göstərdi ki, bu regionda vəziyyət hələ də tam sakitləşməyib. Sabitliyin təmin edilməsi üçün Rusiyanın Sülhməramlı kontingentinin atəşkəs rejiminin və dinc əhalinin təhlükəsizliyinin təminatçısı kimi səylərinə son dərəcə ehtiyac var", - deyə Putin Rusiya XİN-in kollegiyasında çıxışı zamanı bildirib.
Putin Cənubi Qafqazda iqtisadi əlaqələrin bərpasında, həyati əhəmiyyətli nəqliyyat dəhlizlərinin açılmasında Rusiya diplomatiyasının rolunun artdığını da qeyd edib․
"Bizdə baş nazirin müavini səviyyəsində müvafiq dövlətlərarası komissiya yaradılıb. Real olaraq, Rusiya da daxil olmaqla, regionun bütün ölkələri problemin uzunmüddətli həllində maraqlıdırlar", - deyə prezident qeyd edib.—06D—
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz