Açiq mənbələrdən foto.
Bakı/16.04.21/Turan: Yaxın günlərdə Bakıya 100 min dozadan çox “Sputnik V” vaksini gətiriləcək. Bundan başqa, koronavirus əleyhinə Rusiya vaksinlərinin Azərbaycanda istehsal edilməsi məsələsi nəzərdən keçirilir. TASS-ın məlumatına görə, bu barədə Federasiya Şurasının sədri Valentina Matvienko cümə günü MDB Parlamentlərarası Assambleyasının yaz sessiyası çərçivəsində Azərbaycan Milli Məclisinin spikeri Sahibə Qafarova ilə görüşündə bildirib.
“Bilirəm ki, aprel-may aylarında 100 min dozadan çox “Sputnik V” vaksininin göndərilməsi haqqında razılıq əldə olunub, çünki biz yaxşı başa düşürük ki, pandemiyanı real olaraq dayandırmağın yeganə yolu kütləvi vaksinasiyadır”, deyə Matvienko bildirib.
Onun sözlərinə görə, bu vaksinlərin Azərbaycanda istehsalı məsələsi nəzərdən keçirilir, bu, kütləvi vaksinasiyanı sürətləndirməyə və bəlkə də vaksinləri başqa ölkələrə də ixrac etməyə imkan verəcək.
Matvienkonun fikrincə, maneəsiz ünsiyyət və “bir-birimizə qonaq gedib-gələ bilmək” üçün kütləvi vaksinasiyanın bütün ölkələrdə həyata keçirilməsi vacibdir. -06D-
Siyasət
-
“Müharibə Ukraynanın 3 milyon hektardan çox meşəsini məhv edib. Bizdə hər gün meşə yanğınları olur, su və torpaq ehtiyatlarımız çirklənir”.
-
Dünyanın bütün ölkələri bu onillik ərzində hər il emissiyaları 9% azaltmalıdır ki, qlobal istiləşmə 1,5 dərəcə Selsi səviyyəsində məhdudlaşdırılsın, BMT-nin Baş katibi Antonio Quterreş noyabrın 19-da Rio-de-Janeyroda keçirilən G20 Sammitində bəyan edib.
-
Noyabrın 19-da Səbail Rayon Məhkəməsi talış tarixinin tədqiqatçısı İqbal Əbilovun ilkin həbs müddətinin daha 4 ay uzadılması ilə bağlı istintaqın vəsatətini təmin edib. Bu barədə Turan-a vəkil Rövşanə Rəhimova bildirib.
-
Noyabrın 19-da COP29 çərçivəsində "İqlim ədaləti mülki məkan və əhəmiyyətli iştirak olmadan mümkün deyil" mövzusunda debatlar keçirilib.
Rəy yaz