![Açiq mənbələrdən foto.](https://turan.az/resized/media/2023/main/110100068823-750-500-resize.webp)
Açiq mənbələrdən foto.
Rusiya və Azərbaycan energetika sahəsində əməkdaşlığı möhkəmləndirirlər
Bakı/01.11.23/Turan: Oktyabrın 31-də Moskvada Rusiya baş nazirinin müavini Aleksandr Novak və Azərbaycanın iqtisadiyyat naziri Mikayıl Cabbarov neft-qaz, elektroenergetika sahələrində əməkdaşlığın genişləndirilməsi və bərpa olunan enerji mənbələrinin inkişafı məsələlərini müzakirə ediblər. Bu barədə Rusiya Federasiyası hökumətinin saytındakı məlumatda deyilir.
Ölkələr arasında əmtəə dövriyyəsinin artımı qeyd olunub. 2022-ci ilin yekunlarına görə, qarşılıqlı ticarətin həcmi 25 faiz artıb. 2023- cü ilin yanvar-avqust aylarında əmtəə dövriyyəsi ötən ilin eyni dövrü ilə müqayisədə 15,7 faiz artıb.
"Rusiyanın ən böyük neft-qaz konsernləri Azərbaycanla çalışırlar, onlar qarşılıqlı fəaliyyətin genişləndirilməsinə hazırdır. Əsasən, Rusiya karbohidrogenlərinin Azərbaycan güclərində tranziti və emalı ilə bağlı bir sıra yeni təşəbbüslər var. Vəzifəmiz səylərimizi birləşdirməkdir", - Aleksandr Novak deyib.
Danışıqlar zamanı Rusiya neft-qaz şirkətlərinin Azərbaycan ərazisində yeni hasilat layihələrində iştirakı, onların Azərbaycanda yanacaq satışı üzrə biznesinin genişləndirilməsi, o cümlədən Rusiya neftinin Tixoretsk-Bakı neft kəmərilə revers nəqlinin artırılması məsələləri müzalkirə edilib.
Həmçinin idxalın əvəzlənməsi siyasəti çərçivəsində Rusiya və Azərbaycan şirkətləri arasında texnoloji əməkdaşlığın perspektivləri müzakirə olunub. 02D
-
- İqtisadiyyat
- 1 Noyabr 2023 14:28
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz