Açiq mənbələrdən foto.
Rusiya və Ermənistan xarici işlər nazirlərinin görüşünün əsas mövzusu üçtərəfli razılaşmaların yerinə yetirilməsidir
Bakı/31.08.21/Turan: Avqustun 31-də Moskvada Ermənistan və Rusiya xarici işlər nazirlərinin görüşü keçiriləcək.
Rusiya Xarici İşlər Nazirliyinin bu barədə məlumatında deyilir ki, danışıqlar zamanı ikitərəfli əməkdaşlıq məsələlərinin geniş spektrinin müzakirəsi, həmçinin beynəlxalq təşkilatlarda mövqelərin koordinasiyası planlaşdırılır.
"Görüşün əsas mövzularından biri Azərbaycan, Ermənistan və Rusiya liderlərinin 9 noyabr 2020-ci il və 11 yanvar 2021 - ci il tarixli razılaşmalarının həyata keçirilməsi ilə bağlı məsələlərin kompleks nəzərdən keçirilməsi olacaq.
Dağlıq Qarabağ və ətraf rayonlarda humanitar problemlər, Ermənistan-Azərbaycan sərhəddində vəziyyət və Cənubi Qafqazda iqtisadi və nəqliyyat əlaqələrinin açılması prosesinə predmetli baxılacaq", - məlumatda bildirilir.-02D-
Siyasət
-
Dekabrın 28-də Ukrayna prezidenti Vladimir Zelenski Azərbaycan prezidenti İlham Əliyevə zəng edib.
-
Rusiyalı oliqarx, Qarabağın separatçı rejiminin keçmiş "dövlət naziri" Ruben Vardanyanın işi üzrə ibtidai istintaq başa çatıb.
-
Rusiya Federasiyasının prezidenti Vladimir Putin dekabrın 28-də Azərbaycan prezidenti İlham Əliyevə zəng edib, xəbəri Kremlin mətbuat xidməti yayıb. Söhbət zamanı dekabrın 25-də AZAL-ın sərnişin təyyarəsinin Aktau şəhəri yaxınlığında qəzaya uğraması ilə bağlı məsələlər müzakirə olunub.
-
Dekabrın 28-də Abzas Media-nın işi üzrə prosesdə məhkəmə istintaqı başlayıb. Prokuror ittiham aktını oxuyub. Bakı Ağır Cinayətlər Məhkəməsində iclasın əvvəlində təqsirləndirilən şəxs - Abzas Media-nın baş redaktoru Sevinc Vaqifqızı hakim heyətinə etiraz edib. O qeyd edib ki, bu hakim tərkibi işi obyektiv araşdıra bilməz, belə ki, üç hakimdən ikisi daha əvvəl siyasi məhbusların işləri üzrə qərar veriblər.
Rəy yaz