![Maria Zakharova.](https://turan.az/resized/media/2023/main/042700061448-750-500-resize.webp)
Maria Zakharova.
Rusiya Xarici İşlər Nazirliyi: Yerevan qarşılıqlı məqbul həllin axtarışına töhfə verməlidir
Bakı/27.04.23/Turan: Rusiya Xarici İşlər Nazirliyi Laçın dəhlizi ətrafında vəziyyətin qarşılıqlı məqbul həllinin axtarışına rəsmi Yerevanın öz töhfəsini verməsini prinsipial vacib hesab edir. Bu barədə aprelin 27-də brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
Beləliklə, o, faktiki olaraq Rusiya sülhməramlılarından dəhlizin zorla açılmasını tələb edən Ermənistanın baş naziri Nikol Paşinyana cavab verib. "Rusiya sülhməramlılarından başqa heç kim dəhlizə nəzarət etməməlidir", - o deyib.
Zaxarova qeyd edib ki, Rusiya Laçın dəhlizi ətrafında vəziyyətin nizamlanması və üçtərəfli razılaşmaların məcrasına qayıtması üçün lazımi səylər göstərir.
Bu addımlar həm sülhməramlıların xəttilə, həm də siyasi səviyyədə atılır.
"Biz hesab edirik ki, rəsmi Yerevanın qarşılıqlı məqbul həllin axtarışına öz töhfəsini verməsi prinsipial əhəmiyyət kəsb edir", - Zaxarova bildirib. 0
Siyasət
-
70 saylı Neftçala seçki dairəsinin Astanlı kəndindəki seçki məntəqəsinin yaxınlığında naməlum şəxslər növbədənkənar parlament seçkilərində iştirak edən deputatlığa namizəd Vəfa Nağanın müşahidəçisinin avtomobilinə hücum edib.
-
Sumqayıt şəhər 42 saylı birinci seçki dairəsi üzrə deputatlığa namizəd Şəfəq Mailova müxtəlif seçki məntəqələrində qanun pozuntuları olduğunu açıqlayıb.
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
“Müsavat” partiyası seçki məntəqələrində “karusel” əməliyyatının kütləvi hal aldığını bəyan edib. Partiyann press-relizinə əsasən, 17 saylı seçki dairəsinin 24 saylı məntəqəsində hətta Bakı şəhərində deyil, respublikanın rayonlarında qeydiyyatda olan şəxslər səs verir. 8 saylı seçki dairəsinin 31 saylı məntəqəsində qeydiyyatda olmayan şəxslər müəyyən edilib.
Rəy yaz