Moskva/11.02.20/Turan: Rusiya XİN Azərbaycanda keçirilmiş parlament seçkiləri ilə bağlı beynəlxalq müşahidəçilər missiyasının tənqidini qərəzli hesab edir.
RF XİN mətbuat xidmətinin şərhində deyilir ki, MDB və ŞƏT müşahidəçilərinin qiymətləndirməsinə görə, seçkilər milli qanunvericiliyin tələblərinə uyğun keçirilib, vətəndaşların seçki hüquqlarının kobud şəkildə pozulması halları aşkar edilməyib.
“Təəssüflə qeyd edirik ki, DTİHB, ATƏT və Avropa Şurası Parlament assambleyalarının müşahidəçiləri qərəzli və subyektiv, real mənzərəyə uyğun olmayan yekun qiymətləndirmə aparıblar.
Seçkilərin uğurla keçirilməsi ilə əlaqədar azərbaycanlı dostlarımızı təbrik edirik. Bu, əhalinin Azərbaycan rəhbərliyinin ölkənin ictimai-siyasi həyatının demokratikləşməsinə və modernləşdirilməsinə yönələn islahatlarını dəstəklənməsindən xəbər verir”, - şərhdə deyilir. -02D-
Siyasət
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
-
Yanvarın 23-də Azərbaycan Talışları İctimai Şurasının üzvü Hilal Məmmədov Dövlət Təhlükəsizliyi Xidmətinə çağırılıb. O, Turan-a bildirib ki, bu gün Dövlət Təhlükəsizliyi Xidməti Nizami rayon şöbəsinin əməkdaşları Dövlət Təhlükəsizliyi Xidmətinin Baş İstintaq İdarəsinin bildirişini ona gətiriblər.
Rəy yaz