Maria Zakharova.
Rusiya XİN Yerevanın ittihamlarını absurd adlandırıb
Bakı/12.01.23/Turan: Rusiyanın Ermənistanın təhlükəsizliyi üçün təhdid yaratdığı haqqında bəyanatlar absurddur. Bu barədə cümə axşamı keçirilən brifinqdə RF XİN-in rəsmi nümayəndəsi Mariya Zaxarova bildirib. "Biz həm ikitərəfli münasibətləri, həm də ümumi inteqrasiya birliklərində - KTMT, AİB, MDB-də qarşılıqlı fəaliyyəti bundan sonra da hərtərəfli möhkəmləndirmək niyyətindəyik. Bu fonda Rusiyanın iştirakının Ermənistanın təhlükəsizliyi üçün hansısa təhdidlər yaratması haqqında Yerevanda səslənən bəyanatlar absurddur", deyə TASS Agentliyi Zaxarovadan sitat gətirir.
Onun sözlərinə görə, Rusiya həbiçiləri və sərhədçiləri onillər boyunca Ermənistanın təhlükəsizliyinin təmin edilməsinə böyük töhfə verirlər. "Bir müddət əvvəl Ermənistanın hazırki rəhbərliyi açıq şəkildə bildirmişdi ki, Rusiyanın hərbi iştirakı ölkənin milli maraqlarına uyğundur. Bizim hərbiçilərimizə qapının yerini göstərməyə çağıran avantüristlər isə bu addımın real nəticələrini dərk etmirlər", deyə o, sözünə davam edib.
"Biz populizmlə deyil, Laçın dəhlizi ətrafında vəziyyətin nizamlanması üzrə əsaslı işlə məşğul olmaq əzmindəyik, deyə o qeyd edib. - Və Ermənistan-Azərbaycan sərhədinin delimitasiyası məsələsində də biz müvafiq ikitərəfli komissiyanın fəaliyyətini ardıcıl olaraq dəstəkləyirik. Onun işinə hər cür yardım etməyə, o cümlədən kartoqrafik materialları təqdim etməyə hazırıq".
"Bu istiqamətdə irəliləyiş yer üzərindəki mübahisəli məsələləri səmərəli şəkildə həll etməyə imkan verəcək. Regionda nəqliyyat əlaqələrinin açılması ilə Rusiya, Azərbayan və Ermənistan baş nazir müavinlərinin sədrlik etdiyi müvafiq üçtərəfli işçi qrup məşğul olur. Bu komissiyanın himayəsi altında ciddi hazırlıq işi görülüb, bu işlərin təcrübi müstəviyə keçirilməsi üçün əlavə birgə səylərə ehtiyac var", deyə diplomat qeyd edib. 02D
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz