Bakı/04.09.21/Turan: Rusiya Federasiyası Dövlət Satınalmalarının saytı Rusiya Federasiyası Müdafiə Nazirliyinin Qarabağ ərazisində yerləşən hərbi şəhərciklərinin kazarma-mənzil fonduna xidmət üzrə 13 avqust 2021-ci il tarixində elan edilmiş qapalı müsabiqəni (tender) ləğv edib. Tenderin mətnində Rusiya ordusunun hərbi şəhərciklərinin yerləşdiyi Qarabağ ərazisi "Dağlıq Qarabağ Respublikası"adlandırılıb.
Qapalı müsabiqənin keçirilməsi üçün ərizə Rusiya Federasiyası Müdafiə Nazirliyi tərəfindən verilib.
Bununla əlaqədar Azərbaycan ictimaiyyətində belə bir sual yaranıb: Rusiya Müdafiə Nazirliyi Azərbaycan ərazisini "Dağlıq Qarabağ Respublikası" adlandırmaqda hansı məqsədi güdür?
Rusiya Müdafiə Nazirliyində bu məsələni şərh etməyiblər. Azərbaycan Müdafiə Nazirliyində də verməyiblər.
Dünən məlum olub ki, nəzərdə tutulan tender ləğv edilib, bu barədə Rusiya Federasiyasının Dövlət sifarişlərinin saytında qeyd var.
Azərbaycan Milli Məclisinin deputatı Rasim Musabəyov Turan-a müsahibəsində deyib ki, baş verənlər səhv, Rusiya Müdafiə Nazirliyi Aparatında çalışan və müsabiqənin mətninin tərtibatı ilə məşğul olan şəxsin savadsızlığının nəticəsi ola bilər. Bu, texniki səhv ola bilər. Bununla belə, Azərbaycan belə səhvlərin düzəldilməsini və buna yol verilməməsini tələb etməlidir.
Rasim Musabəyov Rusiyadan Rusiya Müdafiə Nazirliyinin Satınalmalar saytından sənəd göndərib.
Rasim Musabəyova Moskvadan Rusiya Müdafiə Nazirliyinin satınalmalar saytından sənəd göndəriblər ki, təxribatyönlü tender ləğv edilib.
"Azərbaycanlılar üçün təhqiredici qeydin əks olunduğu tenderin elan edilməsi və bağlanması dərs olmalıdır ki, gələcəkdə Rusiyada Qarabağ haqda məlumat yayarkən terminlərə hörmətlə yanaşsınlar", - Musabəyov deyib.
Bundan öncə o, bu sənədin düzəldilmədiyi təqdirdə tenderdə bəyan edilən işlərin icrasına mane olmağa çağırıb. "...Rusiya Federasiyasındakı bəzi dairələr Qarabağ kontekstində Moskva ilə Bakı arasında onsuz da asan olmayan münasibətləri sanki qəsdən ağırlaşdırırlar", - Musabəyov Facebook-da öz statusunda bildirib.
Rusiyalı hərbi ekspert və politoloq Oleq Kuznetsov isə baş verənləri siyasi kobudluq və yaxud rusiyalı məmurların kütbeyinliyi adlandırıb.—0—
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz