Saleh Rüstəmovun azad edilməsi tələbi ilə keçirilən aksiyanın 9 iştirakçısı cərimə olunub
Bakı/16.12.21/Turan: Dekabrın 15-də Bakıda siyasi məhbus Saleh Rüstəmovun həbsdən azad edilməsi tələbi ilə keçirilən aksiya zamanı 43 nəfər saxlanılıb. Bu barədə "Müdafiə Xətti" Qeyri-Hökumət Təşkilatı məlumat yayıb.
Təşkilatın məlumatına görə, saxlanılanların 31 nəfəri Azərbyacan Xalq Cəbhəsi Partiyasının (AXCP), 6-sı Müsavat Partiyasının üzvü, 1-i Azərbaycan Demokratiya və Rifah Partiyasının nümayəndəsi, 5 nəfəri isə bitərəf fəallar və vətəndaşlardır.
Bütün saxlanılan şəxslər axşamtərəfi sərbəst buraxılıblar. Bu zaman 9 fəala İnzibati Xətalar Məcəlləsinin 211.1-ci (karantin rejimini pozma) maddəsinin pozulması ittihamı ilə pul cərimələri kəsilib.
Belə ki, Müsavat partiyasının fəalı və eyni zamanda Demokratik Qüvvələrin Milli Şurasının üzvü Tofiq Yaqublu 400 manat cərimə olunub.
AXCP fəalları Babək Həsənov, Mehriban Hüseynli, Kənan Zeynalov, Gülnarə Rəhimova, Səbinə Mirzəyeva, Şamil Nəsirov da hər biri 400 manat cərim olunub.
AXCP fəalı Rəşid Turabov 200 manat, elə həmin partiyanın üzvü Şirvan Soltanov 100 manat cərimə olunub.
Hüquq müdafiə təşkilatı hesab edir ki, polis dinc etiraz aksiyasının dağıdılması zamanı hədsiz güc tətbiq edib.
Saleh Rüstəmov noyabrın 6-dan etibarən əsassız cinayət təqibinə son qoyulması və həbsdən azad edilməsi tələbi ilə aclıq edir. -06В-
-
- Cəmiyyət
- 15 Dekabr 2021 18:17
Siyasət
-
Avropa İttifaqı Şurasının Prezidenti Antonio Koşta yanvarın 9-da Azərbaycan Respublikasının Prezidenti İlham Əliyevə zəng edib.
-
Ermənistanın baş naziri Nikol Paşinyan Facebook səhifəsində regionda uzuznmüddətli sülhün bərqərar olması ilə bağlı təkliflərini dərc edib. Bu təkliflər arasında o, Azərbaycana təkcə beynəlxalq məhkəmələrdə deyil, ümumiyyətlə də qarşılıqlı iddialardan imtina etməyi təklif edib.
-
ABŞ Ukrayna üçün yeni və prezident Co Baydenin administrasiyası dövründə sonuncu hərbi yardım paketini açıqlayıb. ABŞ-ın müdafiə naziri Lloyd Ostin Almaniyada bildirib ki, yardımın məbləği 500 milyon dollar təşkil edir.
-
Bakıda 10 yeni metro stansiyasının inşa ediləcəyi gözlənir. Bu barədə yanvarın 7-də jurnalistlərlə görüş zamanı prezident İlham Əliyev danışıb.
Rəy yaz