Şəkidə Amerika Mərkəzi açılıb

Bakı/15.03.22/Turan: Martın 15-də ABŞ-ın Azərbaycandakı səfirliyi Şəkidə Amerika Mərkəzini açıb. Mərkəz Azərbaycan Dövlət Pedaqoji Universitetinin filialında yerləşir.

Mərasimdə iştirak edən ABŞ səfiri Li Litzenberger təhsil və mədəniyyət imkanları baxımından Amerika Mərkəzinin yerli əhali üçün əhəmiyyətindən danışıb.

Amerika Mərkəzi yeni avadanlıq və texnologiyalarla təchiz edilib. Burada ingilis dili və digər təhsil proqramları tədris olunacaq.

Səfər zamanı səfir Litzenberger ABŞ hökuməti tərəfindən maliyyələşdirilən mübadilə proqramlarının məzunları ilə görüşüb.

Amerika mərkəzləri ingilis dilini təkmilləşdirmək, ABŞ barədə məlumat əldə etmək, təhsil və mübadilə proqramları barədə daha ətraflı öyrənmək və “Maker Space”də (yaradıcılıq məkanı) yüksək innovativ texnologiya layihələrində iştirak etmək imkanları yaradır, səfirliyin məlumatında deyilir.—03D06-