Səlcuq Bayraktar Azərbaycan ordeni ilə təltif edilib (YENİLƏNİB)

Bakı/01.04.21/Turan: Aprelin 1-də dövlət başçısı İlham Əliyev Türkiyənin “Baykar Makina” şirkətinin direktoru Səlcuq Bayraktarı və ASELSAN şirkətinin baş direktoru Haluk Görgünü qəbul edib.

Görüş zamanı Bayraktara Azərbaycan ordeni təqdim edilib.

Türkyəli mühəndis İkinci Qarabağ Müharibəsində Azərbaycan ordusunun qələbəsinə mühüm töhfə vermiş hərbi dronların hazırlanmasına görə bu mükafatla təltif edilib. -02B-

*   *   *

2021 Aprel 01 (Cümə axşamı) 13:58:18

Səlcuq Bayraktar Bakıya gəlib

Bakı/01.04.21/Turan: Türkiyənin "Baykar Savunma" şirkətinin direktoru, məşhur "Bayraktar" döyüş və kəşfiyyat dronlarının yaradıcısı Səlcuq Bayraktar 31 martda Bakıya gəlib. Bu barədə o öz Twitter hesabında yazıb.

Həmin gün Bayraktar Şəhidlər Xiyabanına və 1918-ci ildə Bakının bolşeviklərdən azad edilməsi zamanı şəhid olan türk əsgərlərinin abidəsi önünə əklil qoydu.

Səfərin məqsədi barədə o məlumat vermir. Ancaq əvvəl Bayraktar Türkiyədə azərbaycanlı zabitlər üçün təlimlər keçirdi.

Bu yaxınlarda isə Bayraktar, döyüş təyyarələri ilə mubarizə aparmaq üçün hazırlanmış ən yeni döyüş dronu TB3-ü uğurla sınaqdan keçirdi. Səfərin məqsədinin Azərbaycan Hərbi Hava Qüvvələrinin bu yeniliyinin "təqdimatı" ilə əlaqəli olduğu istisna edilmir. -02B-