Açiq mənbələrdən foto.
Bakı/11.08.20/Turan: Qarabağ separatçılarının lideri Araik Arutyunyan Livandan erməni 100-150 ailəsinin köçürülməsini təklif edib. Avqustun 9-da Livana təyyarə ilə humanitar yardım göndərilib, bu yardımın təşəbbüskarı da Arutyunyan olub. Bu barədə mətbuata Arutyunyanın beynəlxalq məsələlər üzrə müşaviri David Babayan bildirib.
Eyni zamanda, o etiraf edib ki, bu məsələnin həyata keçirilməsi zaman və səy tələb edir. “Onlar gələnə, yerləşənə qədər iş yerləri məsələsi həll edilməlidir, bütün bunlar hazır olmalıdır. Yaxşı hazırlanmış proqram olmalıdır”, deyə Ermənistan KİV-ləri Babayandan sitat gətirir.
Qeyd edək ki, ermənilər demoqrafik vəziyyətin Qarabağın və Ermənistanın xeyrinə çevirmək üçün Yaxın Şərqdəki münaqişələrdən istifadə edir. Belə ki, bir müddət əvvəl Suriyadan bir qrup erməni Qarabağa yerləşdirilib. Həmçinin Rusiya və digər ölkələrə gedən ermənilərin Qarabağa qaytarılması üzrə bir neçə proqram işlənib hazırlanıb. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz