![Açiq mənbələrdən foto.](https://turan.az/resized/750/500/resize/media/2022/main/051900045416.webp)
Açiq mənbələrdən foto.
Sərhədin demarkasiyası ilə bağlı görüş yaxın gələcəkdə keçiriləcək - Ermənistan XİN
Bakı/19.05.22/Turan: Aİ-Ermənistan Tərəfdaşlıq Şurasının iclasında iştirak etmək üçün Brüsseldə səfərdə olan Ermənistan XİN başçısı Ararat Mirzoyan bildirib ki, Ermənistan-Azərbaycan sərhədinin demarkasiyası üzrə komissiyanın görüşü yaxın gələcəkdə keçiriləcək.
"Ermənistan və Azərbaycan arasında sərhədin demarkasiyası üzrə ilk görüş keçirilməyib, amma bu görüşün təşkili haqqında müzakirələrimizi davam etdirəcəyimizə inandıra bilərəm. Tərəflərin razılaşdırmalı olduqları bəzi texniki təfərrüatlar var və ümid edirəm ki, nəhayət, yaxın günlərdə və ya həftələrdə görüş keçiriləcək", deyə o jurnalistlərlə söhbətində bildirib.
"Biz sülh prosesinə baxışımızı açıqlamışıq və ilk gündən demişik ki, Azərbaycanın təklif etdiyi bəndlərdə Ermənistan tərəfi üçün qəbuledilməz heç nə yoxdur, amma bu bəndlər gələcək sülh sazişinin bütün gündəliyini, bütün mövcud problemlər kompleksini əhatə etmir. Bu mənada Dağlıq Qarabağda hüquq və təhlükəsizlik məsələlərini, habelə Dağlıq Qarabağın statusunu müzakirə etmək bizim üçün vacibdir", deyə o bildirib.
"Hesab edirik ki, sülh müqaviləsi ilə bağlı bu danışıqlar ATƏT-in Minsk Qrupunun həmsədrliyi çərçivəsində davam etdirilə bilər. Hələlik biz Azərbaycandan bu bəndlərlə bağlı müsbət cavab eşitməmişik, amma bu danışıqların mümkün olması üçün bütün səylər göstərilir", deyə Mirzoyan qeyd edib.
Xatırladaq ki, dünən prezident İlham Əliyev Ermənistan tərəfin sərhədin demarkasiyası ilə bağlı daha əvvəl razılaşdırılan iki görüşü pozduğunu bildirib. 02D
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz