Açiq mənbələrdən foto.
Bakı/23.06.20/Turan: Səudiyyə Ərəbistanı hakimiyyəti bu il koronavirus epidemiyası səbəbindən Məkkə və Mədinəyə Həcc ziyarətini məhdudlaşdırmaq qərarına gəlib.
Bu il Həcc ziyarətinə yalnız Səudiyyə Ərəbistanında olan məhdud sayda zəvvara icazə veriləcək. Bu barədə Səudiyyə Ərəbistanının Həcc İşləri Nazirliyinin Tvitter hesabında deyilir.
“Bu il Həcc ziyarəti Səudiyyə Ərəbistanı Krallığının ərazisində olan müxtəlif millətlərdən məhdud sayda zəvvarın iştirakı ilə baş tutacaq. Onların təhlükəsizliyinin təmin edilməsi üçün ehtiyat tədbirləri görülür”, - nazirliyin məlumatında bildirilir.
Xatırladaq ki, Həcc ziyarəti 20 İyul-15 avqust tarixlərində olacaq.
Bundan öncə Məkkə və Mədinədə koronavirusa görə məscidlərdə namaz qılmağı qadağan etmişdilər. Apreldə Səudiyyə Ərəbistanının Ali dini orqanı bütün dünyada müsəlmanları Ramazan ayında evdə dua etməyə çağırmışdı.
Dindarlara COVİD-19-un yayılması üçün əsas platforma olan kütləvi toplantıların qarşısını almaq tövsiyə olunurdu.-02D-
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz