Сергей Шойгу и Хулуси Акар.
Şoyqu və Akar Qarabağdakı vəziyyəti müzakirə ediblər
Ankara/12.10.20/Turan: Türkiyənin milli müdafiə naziri Hulusi Akar bazar ertəsi Rusiyalı həmkarı Sergey Şoyqu ilə telefonla danışıb.
İki ölkənin müdafiə nazirləri Qarabağ münaqişəsi zonasında, Suriyanın İdlib bölgəsində və Liviyada vəziyyəti müzakirə ediblər, bu barədə Türkiyə Müdafiə Nazirliyinin mətbuat xidməti məlumat yayıb.
Şoyqu ilə telefon söhbətində Akar Ermənistan tərəfindən Azərbaycanın yaşayış məntəqələrinə hücumlara son qoyulması və erməni qoşunlarının Azərbaycanın işğal olunmuş ərazilərindən çıxarılması zərurətini qeyd edib.
"Ermənistan humanitar atəşkəsi pozur. Yerevan dərhal qoşunlarını Azərbaycan ərazilərindən çıxarmalıdır. Bakı daha 30 il ədalət gözləyə bilməz. Türkiyə Azərbaycan tərəfin ədalətli mövqeyini dəstəkləməyə hazırdır", - deyə Türkiyə naziri bildirib.
Suriyanın şimal-qərbindəki vəziyyətə toxunan Hulusi Akar qeyd edib ki, Ankara məcburi köçkünlərin İdlib bölgəsindəki evlərinə təhlükəsiz şəkildə qayıtmasını təmin etmək üçün addımlar atır.
Liviyada münaqişə zonasında inkişafa gəlincə, Türkiyə naziri qeyd edib ki, Ankara BMT TŞ-nin qətnamələri çərçivəsində sabit, müstəqil və suveren Liviyanı dəstəkləyir. -02D-
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz