Sülhməramlılar Bakıya cavab qaytarır

Bakı/25.11.22/Turan: Rusiya sülhməramlıları Qarabağda  Azərbaycan toponimlərindən istifadə etməməsi ilə bağlı Azərbaycan Müdafiə Nazirliyinin ittihamlarına cavab verib.

Sülhməramlıların komandanlığı öz teleqram kanalında (t.me/RUS_peacekeeper) Bakının iddialarını rədd edib.

“Rusiya Silahlı Qüvvələri və sülhməramlı kontingent təlim və döyüş tapşırıqlarını yerinə yetirərkən Rusiya Silahlı Qüvvələri Baş Qərargahının topoqrafik xəritələrində müəyyən edilmiş toponimlərdən istifadə edir.

Bakıdan Mağavuz qəsəbəsinin adı ilə bağlı tənqidlər təəccüb doğurur, çünki dəfələrlə Azərbaycan vətəndaşlarının avtomobil karvanlarının müşayiəti ilə Azərbaycan vətəndaşlarının avtomobil karvanlarının müşayiətini təmin edərək Rusiya Müdafiə Nazirliyinin bülletenlərində başqa qeyri-azərbaycan toponimlərdən istifadə edilib. Lakin bu iddialara səbəb olmadı.

Bundan başqa, Azərbaycan tərəfi avtomobil kolonların hərəkət marşrutunun razılaşdırılması və Rusiya sülhməramlıları ilə qarşılıqlı əlaqənin təşkili zamanı bu toponimlərdən də istifadə edir”, - deyə məlumatda bildirilir.

Sülhməramlıların fəaliyyəti “müxtəlif görüşlərdə Azərbaycan rəsmiləri tərəfindən onların səmərəliliyinə yüksək qiymət verilib”.

Atəşkəs rejiminin pozulmasına gəlincə, onlar “günün istənilən vaxtı müşahidə aparmağa imkan verən obyektiv nəzarət avadanlığından istifadə etməklə sülhməramlıların müşahidə məntəqələri tərəfindən qeydə alınır”.

“Azərbaycan Respublikasının Müdafiə Nazirliyinin belə əhəmiyyətsiz hallarda Dağlıq Qarabağdakı Rusiya sülhməramlı kontingentinin fəaliyyətini şübhə altına almagdansa, onunla sülhün qorunub saxlanması üçün sıx əməkdaşlıq etsə idi, heç də pis olmazdı”, - deyə xəbərdə deyilir.

Xatırladaq ki, bundan əvvəl Azərbaycan Müdafiə Nazirliyi Rusiya sülhməramlılarına Qarabağda yaşayış məntəqələrinin siyahısını və onlarin Azərbaycan toponimlərini göndərildiyi barədə məlumat yaymışdı. Lakin sülhməramlılar erməni adlarından istifadə edirlər.

Eyni zamanda, erməni birləşmələri tərəfindən atəşkəs rejiminin pozulması nədənsə Rusiya sülhməramlılarının rəsmi bəyanatlarında öz əksini tapmır, Azərbaycan Müdafiə Nazirliyi bildirir.

Nəhayət, sülhməramlılar Bakının 2021-ci ildə Ermənistanda istehsal olunan minaların Rusiyanın nəzarətində olan Laçın dəhlizi ilə daşınaraq Laçın, Kəlbəcər və Şuşa rayonlarında basdırılması ilə bağlı ittihamlarına cavab verməyiblər.-02B-