Şuşaya xidməti yol çəkilib

Bakı/18.01.21/Turan: Füzuli şəhərindən Şuşaya qədər xidməti avtomobil yolu işə salınıb. Avtomobil Yolları Dövlət Agentliyinin mətbuat xidmətinin rəhbəri Anar Nəcəflinin verdiyi məlumata görə, bu, 101,5 km uzunluğu olan ikizolaqlı yoldur.

Yol 2021-ci ilin sonları – 2022-ci ilin əvvəlləri istifadəyə veriləcək əsas avtomobil magistralı ilə paralel tikilib.

Bəzi yerlərdə iki yol kəsişəcək. Körpülər və tunellər sayəsində (3 km) əsas yolun uzunluğu 17 km azalacaq və 84,6 km təşkil edəcək.

Yol Xocavənd və Xocalı rayonlarının ərazisindən, Daşaltı kəndindən və Topxana meşəsindən yan keçməklə  Şuşaya gedir.

Eyni zamanda yol qovşaqarının tikintisi planlaşdırılır. Yolun 48 km-lik Füzuli-Şuşa hissəsi altı zolaqlı, qalan hissəsi isə dörd zolaqlı olacaq.

Yol Füzulidə tikiləcək beynəlxalq aeroportun yaxınlığından keçəcək.

Layihəyə həmçinin İsa Bulağına qədər iki kilometrlik yolun tikintisi də daxil edilib, bu yol başlanğıcını Füzuli-Şuşa avtomobil yolunun təxminən 82-ci kilometrindən götürəcək.

Layihəni Dövlət Avtomobil Yolları Agentliyi həyata keçirir. Çətin relyefə malik olan ərazilərdə avtomobil yollarının inşası ilə bağlı təcrübəyə malik "Kolin İnşaat" başda olmaqla, Türkiyə şirkətlər qrupu və 1 yerli tikinti şirkəti də layihəyə cəlb olunub. Yeni yol Şuşa yolunu 345 km-ə qədər qısaldacaq. -06D-