Açiq mənbələrdən foto.
Bakı/11.08.22/Turan: Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə avqustun 11-də Türk Dövlətləri Təşkilatının (TDT) Baş katibi Bağdad Amreyevi qəbul edib. Bu barədə QMİ-nin məlumatında deyilir.
QMİ sədri son illər türk birliyinin güclənməsi yönündə atılan addımların əhəmiyyətli olduğunu vurğulayıb, bu xüsusda TDT-nin xüsusi rolu olduğunu bildirib.
Öz növbəsində Bağdad Amreyev Türk Dövlətləri Birliyinə üzv ölkələrin müsəlman dini liderlərinin Şurasının yaranmasında Paşazadənin xüsusi trolu olduğunu bildirib.
Daha sonra TDT-yə üzv ölkələrin müsəlman dini liderlərinin bu il Bakıda keçiriləcək oktyabr görüşündə qəbul ediləcək sənədin detalları müzakirə olunub.
Amreyev bildirib ki, TDT çərçivəsində türk dövlətlərinin müsəlman dini liderlərinin mövcud əlaqələrinin daha da təkmilləşməsi üçün təşkilati müstəvidə yeni addımlar atılması məqsədəuyğundur.
TDT Baş Katibi TDT-yə üzv ölkələrin qarşıdakı noyabr ayında Özbəkistanda keçiriləcək Zirvəsindən danışıb və bu barədə Paşazadəyə məlumat verib. 05D
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz