Ramil Usubov
Təhlükəsizlik Şurasının katibi: “Bəzi qüvvələr öz məkrli planlarını həyata keçirməklə…”
Bakı/26.10.21/Turan: Bəzi qüvvələr öz məkrli planlarını həyata keçirməklə bölgədə yaranmış stabilliyin yenidən pozulmasına çalışır, müxtəlif təxribatlara əl atırlar. Bu barədə Azərbaycan Təhlükəsizlik Şurasının katibi Ramil Usubov Dövlət Təhlükəsizliyi Xidmətinin Beynəlxalq Antiterror Mərkəzində “Milli təhlükəsizlik” kursunun açılışı mərasimində bildirib. Tədbir Azərbaycan Təhlükəsizlik Şurası katibinin xidməti tərəfindən təşkil edilib.
Prezidentin köməkçisi, Prezident Administrasiyasının xarici siyasət məsələləri şöbəsinin müdiri Hikmət Hacıyev hər bir dövlətin prioritet məsələsi olan milli təhlükəsizliyin etibarlı təmin olunmasından danışıb.
Dövlət Təhlükəsizliyi Xidmətinin məlumatına görə, oktyabrın 29-dək davam edəcək kurs Azərbaycanın 32 dövlət qurumunun 54 nümayəndəsinin mühazirələrlə çıxışlarını, milli təhlükəsizliyin müxtəlif aspektləri üzrə praktiki məşğələləri və panel müzakirələri nəzərdə tutur.
Kursların açılışında Azərbaycanın müvafiq dövlət qurumlarının rəhbərləri və Türkiyə Milli Təhlükəsizlik Şurası baş katibinin nümayəndəsi iştirak ediblər.-05D-
Siyasət
-
Azərbaycan Prezidenti İlham Əliyev cümə axşamı 2005-ci ildə təsdiq edilmiş məxfi məlumatların siyahısına dəyişiklik edilməsi ilə bağlı fərman imzalayıb. Dəyişikliklər, Azərbaycan Respublikasının Milli Məclisi tərəfindən 22 dekabr 2023-cü ildə qəbul edilmiş “Mühasibat uçotu haqqında” və “Dövlət sirri haqqında” qanunlara edilən düzəlişlərə uyğundur.
-
Yanvarın 23-də Bakı Apellyasiya Məhkəməsi hakim Zamin İbrahimovun sədrliyi ilə “Meydan TV”nin jurnalisti Natiq Cavadlı barədə seçilmiş həbs qətimkan tədbirnin ev dustaqlığı imkan tədbiri ilə əvəz edilməsi barədə vəsatətin təmin edilməməsi barədə Xətai Rayon Məhkəməsinin qərarından verilən şikayəti təmin etməyib. Məhkəmə jurnalisti həbsdə saxlayıb.
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
Rəy yaz