Açiq mənbələrdən foto.
Tehran Azərbaycana dost olduğunu bildirir, lakin əməldə bunun əksini edir
Bakı/04.10.21/Turan:Tehran Bakı və Yerevanla yaxşı münasibətlər saxlayır, bu barədə bazar ertəsi İran Xarici İşlər Nazirliyinin mətbuat katibi Səid Xatibzadə Ermənistan xarici işlər nazirinin İrana səfərini şərh edərkən bildirib.
"İkitərəfli münasibətləri inkişaf etdirmək məqsədilə Ermənistan xarici işlər nazirinin Tehrana səfəri öncədən planlaşdırılıb. Səfər çərçivəsində siyasət, iqtisadiyyat və mədəniyyət sahələrində əməkdaşlıq məsələləri müzakirə olunacaq. Biz Azərbaycanla da, Ermənistanla da yaxşı münasibətləri saxlayırıq", - İRNA agentliyi Xatibzadədən sitat gətirir.
Sonra o, Azərbaycanda İranla sərhəddə "terrorçuların olması" ilə bağlı bir neçə gün öncə Tehrandan səslənən tezis təkrarlayıb. "Müharibə başlayandan biz hesabatlar aldıq və bizim azərbaycanlı həmkarlarımıza bu barədə məlumat verdik. Onlar əmin etdilər ki, başqa ölkələrə qarşı heç bir təhlükə yoxdur".
İranla Azərbaycan arasında münasibətlərin gərginləşməsinə toxunan mətbuat katibi deyib ki, Tehran Bakı ilə danışıqların davam etdirilməsinə tərəfdardır.
"Biz azərbaycanlı dostlarımıza dedik ki, İran Azərbaycanın ərazi bütövlüyünü və suverenliyini tanıyır. Bakı üçüncü ölkənin onun ərazisindən istifadə etməsinə imkan verməməlidir. İran öz təhlükəsizliyini təmin edə bilər, amma Azərbaycan da öz öhdəliklərini yerinə yetirməlidir", - o bildirib. Xatibzadə həmçinin iranlı sürücülərin azərbaycanlı sərhədçilər tərəfindən həbsini tənqid edib.
Beləliklə, Tehran növbəti dəfə Bakıya qarşı iradlarını təsdiqləyən hər hansı sübut və ya dəlil təqdim etməyib. Həmçinin İran Tehranın Qarabağda separatçılarla birbaşa ticarətə dəstək verməsi və ermənilərin Azərbaycanın ərazi bütövlüyünü pozmasına məhəl qoymaması barədə ittihamlara da cavab verməyib.-02D-
-
- Böyük Şərq
- 4 Oktyabr 2021 16:16
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz