Bakı/11.10.21/Turan: Tehran rejimi Azərbaycanı gah təhdid edərək, gah da dostluğunu dilə gətirərək ziddiyyətli bəyanatlar verməyə davam edir.
Növbəti belə bəyanatı bazar ertəsi Tehranda XİN-in mətbuat katibi Səid Xətibzadə səsləndirib.
İran və Azərbaycan arasında gələcək münasibətlər haqqında suala cavabda o deyib: “Münasibətlər normaldır, onların pozulması isə yolverilməzdir”.
Onun sözlərinə görə, iki ölkə arasında münasibətlər “düzgün məntiqə uyğundur”. Qonşuluq və yaxşı münasibətlər çərçivəsində İran narahatlığını dilə gətirib. “Bizim Azərbaycana bəslədiyimiz bəzi ümidlər doğrulmadı. Biz Azərbaycan tərəfə bildirdik ki, İranın bəzi narahatlıqlarını sakitcə aradan qaldırmaq lazımdır”, deyə o bildirib.
Eyni zamanda, o, İranın Azərbaycan üçün hava məkanını bağladığı haqqında məlumatları təkzib edib. “Biz heç vaxt Azərbaycan üçün hava məkanımızı bağlamamışıq, quru sərhədi də açıqdır və mübadilələr baş verir, hər iki tərəf üçüncü tərəflərin münasibətlərimizə təsir göstərməsinə imkan verməməlidir”, deyə Xətibzadə bildirib. -02D-
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz