![Mohsen Pak Ain](https://turan.az/resized/750/500/resize/media/2021/main/091800038521.jpg)
Mohsen Pak Ain
Tehran keçmiş səfirin dili ilə mesaj göndərir
Bakı/17.09.21/Turan: İranın yeni hökumətinin elan etdiyi siyasət İranın Azərbaycana xarici siyasi yanaşmasını dəyişməyə imkan verir və Rəşt-Astara dəmir yolunun tikintisinin başa çatdırılması, bank, energetika, ticarət sahələrində çoxvədli əməkdaşlığın inkişafının, Xəzər dənizində qarşılıqlı fəaliyyətin təmin edilməsi kimi tədbirləri də əhatə edə bilər. Bu barədə İranın Azərbaycandakı keçmiş səfiri Mohsen Pak Ayinin məqaləsində deyilir. Məqalə diplomatik missiyanın saytında dərc olunub.
Eyni zamanda iranlı diplomat hesab edir ki, "bəzi transregional oyunçular, etnomərkəzçilər və onlara bağlı KİV son həftələrdə iki ölkə arasında münasibətlərin zəifləməsi məqsədilə anlaşılmazlıq yaratmağa çalışıblar".
“Təəssüf ki, bəzən Azərbaycan Respublikasının bəzi az sayda kütləvi informasiya vasitələri bu oyunun yoluna çıxıblar və əsaslandırılmamış xəbərləri dərc etməklə düşmənə fürsət veriblər ", - deyə diplomat gileylənib.
Bununla yanaşı, o, İran yük maşınlarının Qarabağa daşımalarını inkar etməyə çalışır.
"İran hakimiyyətinin dəfələrlə inkar etdiyi, bu ölkənin yük maşınlarının Qarabağ regionunda olması problemi həmin KİV-in iki ölkə arasında münasibətlərin zəifləməsinə yönəlmiş cəhdlərindən biridir. Bu təkrarlanan xəbərlərə istinadların əksəriyyəti kiberməkanda dərc edilmiş, etibarsız və xəbər dəyəri olmayan kontentə aiddir. Başqa sözlə, qeyri-formal və qeyri-hökumət kanallarından sitat gətirilməsi və iki ölkə arasında münasibətlər əleyhinə təbliğat əsasən bədxahlar tərəfindən ortaya çıxır və iki ölkə arasında artan münasibətlərin xeyrinə deyil", - Mohsen Pak Ayin yazır.
Dağlıq Qarabağ problemilə bağlı İran İslam Respublikasının mövqeyi, xüsusən də inqilabın ali liderinin bununla bağlı bəyanatları tamamilə prinsipialdır və beynəlxalq standartlara uyğundur, Azərbaycanın ərazi bütövlüyünü dəstəkləyir və İranın münasibətləri inkişaf etdirmək iradəsini nümayiş etdirir, Mohsen Pak Ayin vurğulayıb.
"Azərbaycan Respublikasının dost və qardaş hökumətinin ölkənin kütləvi informasiya vasitələri üzərində öz nəzarətini gücləndirəcəyi və strateji münasibətlərin pozulmasına yol verməmək üçün hər iki tərəfin iki dövlət arasında dostluq münasibətlərinə qayğı göstərəcəyi gözlənilir", - diplomat fikrini yekunlaşdırıb.—06D--
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz