© Фото с сайта www.kremlin.ru
Tehranda Xəzərdə əməkdaşlıq məsələləri müzakirə olunub
Bakı/02.11.17/Turan: Rusiya, İran və Azərbaycan multimodal daşımalar, dəniz turizmi və Xəzər Dənizinin təbii su resurslarının qorunub saxlanması sahələrində əməkdaşlıq etmək niyyətindədir. Bu barədə prezidentlər Vladimir Putin, Həsən Ruhani və İlham Əliyevin Tehranda keçirilən üçtərəfli sammitinin yekunlarına dair birgə bəyanatında deyilir. Xəbəri RİA Novosti yayıb.
"Xəzər Dənizini sülh, dostluq, təhlükəsizlik və əməkdaşlıq dənizi kimi görən tərəflər liman administrasiyalarının əməkdaşlığı, dəniz gəmiçiliyi, multimodal daşımalar, dəniz turizmi, təbii su resurslarının qorunub saxlanması, ətraf mühitin mühafizəsi, energetika, ticarət, iqtisadiyyat kimi sahələrdə münasibətlərin möhkəmləndirilməsi zərurətini vurğulayırlar", deyə sənəddə qeyd edilir.
Bundan başqa, tərəflər Xəzər Dənizi, hidroqrafiya, meteorologiya ilə bağlı elmi araşdırmalarda əməkdaşlığı inkişaf etdirmək niyyətindədirlər. Moskva, Tehran və Bakı həmçinin təhlükəsizliyi və hərbi əməkdaşlığı birgə inkişaf etdirmək və Xəzərdə fövqəladə halların qarşısını birgə almaq niyyətindədir.
Tərəflər bütünlükdə Xəzər Dənizinin hüquqi statusu haqqında konvensiya layihəsi ilə bağlı danışıqların gedişatından məmnunluqlarını ifadə ediblər. Onlar "bu mühüm sənədin tezliklə sahilyanı dövlətlərin konsensusu ilə qəbul edilməsini təmin etmək" niyyətlərini təsdiq ediblər. -02D-
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz