Açiq mənbələrdən foto.
Türkiyə anarxistləri Azərbaycanın İstanbuldakı konsulluğu qarşısında aksiya keçiriblər
Bakı/06.05.21/Turan: Mayın 6-da Türkiyə İnqilabçı Anarxist Federasiyasının bir qrup üzvü Azərbaycanın İstanbuldakı konsulluğu qarşısında etiraz aksiyası keçirib.
İştirakçılar Azərbaycan hökumətinin ünvanına tənqid şüarları səsləndirib, müxalif fəal Bayram Məmmədovun ölümündə ittiham edib. Bu gənc Azərbaycan vətəndaşı mayın 2-də İstanbulda naməlum şəraitdə dünyasını dəyişib.
İştirakçılar “Bayramın qatili dövlətdir!” yazılan şüar qaldırıblar.
“Polis intihar olduğunu deyir, amma biz bilirik ki, bu, belə deyil. Qatil bu cinayətə görə cavab verəcək”, deyə aksiya iştirakçıları etirazlarını bildiriblər.
Xatırladaq ki, Bayram Məmmədovun ölümü haqqında məlumat mayın 5-də səhər yayılıb. Onun cəsədi Bosforun sahilində tapılıb. Şahidlərin sözlərinə görə, o, suya dalıb və oradan çıxmayıb. Polisin ilkin versiyasına görə, Məmmədov intihar edib. -16D-
Siyasət
-
Noyabrın 1-də Ermənistan və Azərbaycan sərhədində baş nazirin müavinləri Mher Qriqoryanın və Şahin Mustafayevin sədrliyi ilə iki ölkənin dövlət sərhədinin delimitasiyası və sərhəd təhlükəsizliyi komissiyasının onuncu iclası keçirilib. Bu barədə cümə günü axşam Ermənistan Xarici İşlər Nazirliyinin xəbərində deyilir.
-
Azərbaycan Parlamentinin Хarici müdaxilələrə və hibrid təhdidlərə qarşı Komissiyası və Media İnkişaf Agentliyi ölkədə keçiriləcək COP29 iqlim konfransına qarşı əlaqələndirilmiş kampaniyanın olduğunu iddia edən birgə bəyanat yayıb. Bəyanata görə, bu kampaniya sosial media platforması “X” üzərindən saxta profillər həyata keçirilir.
-
Dövlət başçısının 1 noyabr tarixli sərəncamı ilə Orxan Hüseynzadə Ağdaş rayonunun icra başçısı təyin edilib.
-
Həbsdə olan ictimai fəal Nicat İbrahimin səhhətindəki problemlər daha da pisləşib. "Həkimlər dedilər ki, Nicatın vəziyyəti yaxşı deyil, həyati riski var. Boğazın kəsilmiş hissəsi onun həyatı üçün risk mənbəyidir", - noyabrın 1-də fəalın xanımı Pərvin İbrahim Turan-a bildirib.
Rəy yaz