Türkiyə və Ermənistan xarici işlər nazirləri münasibətlərin normallaşdırılmasını müzakirə ediblər
Bakı/12.03.22/Turan: Türkiyənin xarici işlər naziri Mövlud Çavuşoğlu şənbə günü Antalyada erməni həmkarı Ararat Mirzoyan ilə görüşüb.
“Anadolu” agentliyi xəbər verir ki, danışıqlar Antalyada keçirilən Diplomatik Forum çərçivəsində baş tutub və təxminən yarım saat davam edib.
Tərəflər Ankara ilə İrəvan arasında münasibətlərin normallaşdırılması yollarını müzakirə ediblər.
Mövlud Çavuşoğlu Mirzoyanla görüşü “çox konstruktiv və məhsuldar” adlandırıb.
“İkitərəfli münasibətlərin tam normallaşması istiqamətində addımlar müzakirə edilib. Məmnuniyyətlə bildirmək istəyirəm ki, biz Qafqazda sülhün bərqərar olması üçün səylər göstəririk.
Türkiyə ilə Ermənistan arasında atılan addımlar Azərbaycan tərəfindən də müsbət qarşılanır. Regionda sülh və sabitlik bütün tərəflərin maraqlarına cavab verir”, - deyə türkiyəli nazir bildirib.
Onun sözlərinə görə, Ankara ilə İrəvan arasında dialoq Azərbaycan tərəfindən də dəstəklənir.
Mirzoyan öz növbəsində bəyan edib ki, Ermənistan tərəfi ilkin şərt olmadan prosesi davam etdirməyə hazırdır. Onun sözlərinə görə, İrəvan Cənubi Qafqazda sülh və sabitliyin yaradılmasında qətiyyətlidir. -02D-
-
- Cəmiyyət
- 12 Mart 2022 13:46
-
- Keçmiş Sovet məkanı
- 12 Mart 2022 20:33
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz