![aa.com.tr](https://turan.az/resized/750/500/resize/media/2021/main/111300040856.jpg)
aa.com.tr
Türkiyəli hərbçilərin Azərbaycanda mandatının uzadılması haqqında qərar qüvvəyə minib
Bakı/13.11.21/Turan: Türkiyəli hərbçilərin Azərbaycanda qalması üçün birillik mandatın uzadılması ilə bağlı Türkiyə parlamentinin qərarı rəsmi qüvvəyə minib. Bu barədə "Anadolu" agentliyi xəbər verib.
Türkiyənin ali qanunverici orqanının 10 noyabr 2021 - ci il tarixli plenar iclasında qəbul olunmuş sənəd şənbə günü Türkiyə hökumətinin rəsmi bülleteni olan Resmi Gazete-də dərc edilib və bununla da qüvvəyə minib.
Sənəddə qeyd olunur ki, Azərbaycanın Ermənistan tərəfindən işğal olunmuş torpaqların azad edilməsi uğrunda mübarizədə qazandığı uğurlar sayəsində regionda vəziyyət dəyişib. Azərbaycan, Rusiya və Ermənistan liderlərinin 9 noyabr 2020-ci il tarixli üçtərəfli bəyanatı fonunda Cənubi Qafqazda sabitliyin təmin olunması istiqamətində səylər davam etdirilir.
Türkiyə bu ölkənin ərazi bütövlüyünün və beynəlxalq hüquq normalarına əsaslanan qanuni hüquqlarının təmin olunması məsələsində lap əvvəldən Azərbaycanın mövqeyini fəal şəkildə dəstəkləyib.
Ankara nəinki regionda sülh və sabitliyin qorunub saxlanılmasına öz töhfəsini verir, həm də iqtisadi əlaqələrin və infrastrukturun bərpası istiqamətində mühüm təşəbbüsləri həyata keçirir.
Vicdanlı Türkiyə-Rusiya Mərkəzi regionda uğurlu fəaliyyətini davam etdirir ki, bu da təhlükəsizlik və tərəflər arasında inam atmosferinin bərpasına töhfə verir.
Türk hərbçilərin bu mərkəzin fəaliyyətində iştirakı Türkiyənin milli maraqlarına, Ankaranın regionda səmərəli və konstruktiv roluna cavab verir, sənəddə vurğulanır.
Türkiyə Konstitusiyasının 92-ci maddəsinə əsasən, Türkiyə parlamentinin 17 noyabr 2020-ci il tarixli 1272 saylı qərarının qüvvədə olma müddətinin bir il uzadılması barədə qərar qəbul edilib.—0-
Siyasət
-
İyulun 17-də “Azel” TV saytının rəhbəri Əfqan Sadıqovun Tbilisidən Ankaraya getməsinə icazə verilməyib. Onu sərhəd-pasport nəzarətində saxlayaraq geri qaytarıblar. Bu barədə Turan agentliyinə Sadıqov özü bildirib.
-
Azərbaycan tərəfi Avropa siyasi birliyinin sammiti çərçivəsində Londonda Paşinyan-Əliyev görüşü ilə bağlı erməni tərəfinin təklifini qəbul etməyib. Bu barədə iyulun 18-də Ermənistan Xarici İşlər Nazirliyinin mətbuat katibi Ani Bədəlyan bildirib.
-
İyulun 18-də Avropa siyasi icmasının Birləşmiş Krallığın Vudstok şəhərində keçirilən sammiti çərçivəsində Azərbaycan Respublikasının xarici işlər naziri Ceyhun Bayramov və Birləşmiş Krallığın xarici işlər, birlik və inkişaf məsələləri üzrə dövlət katibi Devid Lemmi arasında görüş keçirilib.
-
Azərbaycan tərəfi bildirir ki, Londonda Ermənistanın baş naziri Nikol Paşinyan prezident İlham Əliyevlə görüşdən imtina edib. Bu barədə Azərbaycan prezidentinin köməkçisi Hikmət Hacıyev yerli KİV-ə bildirib. Onun sözlərinə görə, Britaniya ikitərəfli görüş keçirməyi təklif edib.
Rəy yaz