TÜRKPA-ya sədrlik Azərbaycana keçib
Bakı/18.12.19/Turan: Dekabrın 18-də Bakıda türkdilli ölkələrin Parlament Assambleyasının (TÜRKPA) 9-cu plenar iclası keçirilir.
Tədbirdə üzv ölkələrin parlament sədrlərinin rəhbərliyi ilə nümayəndə heyətləri, o cümlədən türk əməkdaşlıq qurumları və beynəlxalq təşkilatların təmsilçiləri iştirak edirlər.
Plenar iclasın gündəliyinə TÜRKPA daimi komissiyalarının iclaslarının hesabat məruzələri və tövsiyə qərarları, model qanunların qəbulu, Qazaxıstanda keçirilən növbədənkənar prezident seçkilərinə dair qurumun beynəlxalq müşahidəçi missiyasının hesabatı, eləcə də təşkilatın hüquqi sənədlərinin qəbulu daxildir.
Tədbirdə çıxış edən Türkiyə Böyük Millət Məclisinin sədri Mustafa Şentop türk xalqlarının ortaq tarixi paylaşdığını bildirib.
TÜRKPA-ya sədrlik Türkiyədən Azərbaycan keçib.
Azərbaycan Milli Məclisinin sədri Oqtay Əsədov bildirib ki, TÜRKPA nüfuzlu parlament təşkilatına çevrilib.
“Ötən illərdə başlanmış bütün işlər davam etdiriləcək. Təşkilatın beynəlxalq əlaqələrinin inkişafı yenə də diqqət mərkəzində olacaq. TÜRKPA-nın müşahidə missiyasının fəaliyyəti növbəti bir ildə də diqqətdə saxlanılacaq. TÜRKPA-nın qarşısında duran bütün məsələlər Azərbaycanın sədrliyi dövründə uğurla icra ediləcək”, - o qeyd edib.
TÜRKPA 2009-cu ildə Bakıda təsis olunub. Təşkilatın katibliyi Bakıda yerləşir.
Təşkilatda Azərbaycan, Türkiyə, Qazaxıstan və Qırğızıstan təmsil olunurlar. Qurumun əsas məqsədi türkdilli ölkələr arasında əlaqələrin gücləndirilməsi, qanunvericiliyin beynəlxalq normalara uyğunlaşdırılması və digər məsələlərin həyata keçirilməsindən ibarətdir.
2010-cu il mayın 24-də Azərbaycan Respublikası Milli Məclisinin binasında Türkdilli Dövlətlərin Parlament Assambleyasının (TÜRKPA) ofisinin açılışı olub.-03D-
-
- İqtisadiyyat
- 18 Dekabr 2019 14:38
-
- Maliyyə
- 18 Dekabr 2019 14:45
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz