![Ukrayna DİN nümayəndəsi Bakıya buraxılmayıb?](https://turan.az/resized/media/2020/main/012500024167-750-500-resize.webp)
Ukrayna DİN nümayəndəsi Bakıya buraxılmayıb?
Bakı/25.01.20/Turan: Azərbaycan əslən erməni olan Ukrayna nümayəndəsini “Şərq Tərəfdaşlığı” proqramı çərçivəsində Aİ tədbirində iştirak etmək üçün Bakıya buraxmaqdan imtina edib. Bu barədə “Avropa həqiqəti” nəşri Kiyevdəki rəsmi mənbələrə istinadən məlumat yayıb.
Söhbət Aİ strukturlarının təşkilatçılığı ilə yanvarın 13-16-da Bakıda keçirilmiş “Münaqişələrin təhlili” seminarından gedir.
Ukrayna DİN öz nümayəndə heyətinin tərkibi barədə öncədən təşkilatçılara məlumat verib və bu heyət təşkilatçılar tərəfindən təsdiqlənib.
Ancaq səfər ərəfəsində məlumat daxil olub ki, Azərbaycan tərəfi Ukrayna DİN nümayəndəsini erməni olduğu üçün qəbul etməkdən imtina edir.
Bu barədə Ukrayna DİN-in Aİ nümayəndəliyinə göndərdiyi məktubda bildirilib. Məktubda həmin əməkdaşın adı açıqlanmır, lakin “Avropa həqiqəti”nin məlumatına görə, söhbət Beynəlxalq Əməkdaşlıq və Avropaya İnteqrasiya Departamentinin direktoru Meri Akopyandan gedir.
DİN Aİ səfirliyindən “Avropa Təhlükəsizlik və Müdafiə Kollecinə gələcəkdə Azərbaycan Respublikasının ərazisində tədbirlərin keçirilməsindən çəkinməyi tövsiyə etməyi” xahiş edir.
Eyni zamanda Ukrayna hökuməti bu münaqişəni ictimailəşdirməməyə qərar verib, “Avropa həqiqəti”nin həmsöhbətlərindən biri qeyd edib.
Aİ-nin Bakıdakı nümayəndəliyindən şərh almaq cəhdi nəticə verməyib.-02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz