Açiq mənbələrdən foto.
Ukrayna və Azərbaycan strateji tərəfdaşlığı dərinləşdirir
Bakı/15.01.22/Turan: Yanvarın 14-də Kiyevdə Ukrayna və Azərbaycan prezidentlərinin danışıqlarının yekunlarına görə Strateji tərəfdaşlığın dərinləşdirilməsi haqqında Birgə Bəyannamə imzalanıb.
Sənəd tərəflərin strateji tərəfdaşlığı dərinləşdirməyə, xüsusən qarşılıqlı maraq doğuran sahələrdə konkret layihələr həyata keçirməyə hazır olduğunu təsdiq edir. Bu layihələr arasında Qara Dəniz - Xəzər regionunda və onun hüdudlarından kənarda sülhün və sabitliyin təmin edilməsi üzrə layihələr də var.
"Biz Ukrayna və Azərbaycan prezidentlərinin birgə bəyannaməsini imzaladıq. Bəyannamədə dövlətlərimizin beynəlxalq səviyyədə tanınmış sərhədləri çərçivəsində suverenliyinə və ərazi bütövlüyünə qarşılıqlı dəstək göstərməyə, hibrid təhlükələrə qarşı birgə mübarizə aparmağa, Qara Dəniz - Xəzər regionunda və onun hüdudlarından kənarda sülhü və sabitliyi təmin etməyə səy göstərməyə hazır olduğumuz təsdiqini tapıb", deyə Vladimir Zelenski KİV nümayəndələri ilə Ukrayna-Azərbaycan danışıqlarının yekunlarına həsr olunmuş görüşündə bildirib.
Ukrayna dövlət başçısının sözlərinə görə, sənəddə əksini tapan mövqelər regional və qlobal miqyaslı bir çox məsələ və təhdidlə bağlı Ukrayna və Azərbaycanın baxışlarının eyni və yaxın olduğuna dəlalət edir.
Belə ki, Birgə Bəyannamədə hər iki dövlətin beynəlxalq səviyyədə tanınmış sərhədləri çərçivəsində suverenliyinə və ərazi bütövlüyünə dəstək ; siyasi, ticari-iqtisadi, yanacaq-energetika, hərbi-texniki, infrastruktur, nəqliyyat, aviainşaat, aqrar sənaye, mədəniyyət-humanitar və digər sahələrdə, həmçinin təhlükəsizlik sahəsində ikitərəfli qarşılıqlı fəaliyyətin intensivləşdirilməsi istəyi yer alır. Bundan başqa, hibrid təhdidlərə qarşı mübarizə məsələsində əməkdaşlığı fəallaşdırmağa hazırlıq qeyd edilir; cari layihələrin başa çatdırılması və yeni birgə layihələrin hazırlanması yolu ilə müdafiə sənayesi sahəsində əməkdaşlığın daha da gücləndirilməsindən söhbət gedir; beynəlxalq və regional təşkilat və forumlar, xüsusən BMT, ATƏT, Avropa Şurası, GUAM, QİƏT çərçivəsində əməkdaşlığı dərinləşdirmək niyyətindən bəhs edilir.
İqtisadi sazişlər arasında Ukraynanın Energetika Nazirliyi və Azərbaycanın İqtisadiyyat Nazirliyi arasında əməkdaşlıq üzrə Qarşılıqlı Anlaşma Memorandumunu xüsusilə qeyd etmək lazımdır. Memorandum energetika sahəsində əməkdaşlığın genişləndirilməsini və Ukraynanın neft-qaz bazarında birgə layihələrin həyata keçirilməsini, xüsusən neft tədarükü və nəqli, neft məhsullarının nəqli, karbohidrogen kəşfiyyatı və hasilatı, Ukrayna ərazisində yeni neft emalı zavodlarının tikintisi və mövcud zavodların yenidənqurması, Ukrayna üçün təbii qaz tədarükü, onun yeraltı anbarlarda saxlanılması sahəsində layihələri nəzərdə tutur. -02В-
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Xəbər lenti
-
- Siyasət,
- 13:57
- 353
Rəy yaz