Bakı/10.02.20/Turan: "Seçkinin ilkin nəticələri qeyri-demokratik və xalqın iradəsini əks etdirməyən nəticələrdir". Bu barədə Turan-a "Ümid" partiyasının sədri İqbal Ağazadə bildirib. O, 35 saylı Xətai üçüncü seçki dairəsindən deputatlığa namizəddir.
"Partiyamızın 21 dairədə deputatlığa namizədi var idi və bütün dairələrdə monitirinq aparılıb. Mənim namizəd olduğum 35 saylı dairədən nəticələr hələ də elan edilməyib. Əksər dairələrdə ciddi qanun pozuntuları olub. Bundan başqa, səsvermə nəticələrinin protokolları verilməyib", deyə Ağazadə bildirib.
Belə ki, onun namizəd olduğu 35 saylı dairədə cəmi bir məntəqədən protokol verilib.
"Qalan 29 seçki məntəqinin hamısına polis basqını oldu. Bunu ATƏT-in müşahidə missiyasının, ABŞ və digər ölkələrin səfirliklərinin, beynəlxalq təşkilatların nümayəndələri də müşahidə etdi. Bizim əlimizdə seçki qutularının açılması, bülletenlərin sayılması və səslərin elan olunması ilə bağlı videomaterallar var. Hansı məntəqə üzrə saxta nəticələr elan edəcəklərsə, o məntəqə üzrə video materialı nümayiş etdirəcəyik”, deyə Ağazadə qeyd edib.
"Bu günə qədər insanlarda, vətəndaşların ən azından bir qismində gələcəkdə addım-addım ölkənin dəyişməsi ilə bağlı yaranan ümidlər dünən, təəssüf ki, puç oldu", deyə Respublikaçı Alternativ Partiyasının icraçı katibi Natiq Cəfərli öz növbəsində bildirib.
"Ən azı seçkidə iştirak edən müstəqil naizədlərin bir qismi xalqı inandırmağa çalışırdı ki, seçkiyə gəlsinlər. Seçki yolu ilə ölkədə pozitiv dəyişkliyə nail olmaq mümkün olacaq. Amma seçki göstərdi ki, böyük problemlər var. Xalqın böyük bir qismi seçkiyə gəlmədi. Həm də gələnlərin səsi də normal sayılmadı", deyə Cəfərli bildirib. "Çox biabırçı bir seçki keçirilib", deyə o qeyd edib. -06D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz