USAİD media və jurnalistika sahəsində beynəlxalq və yerli təcrübə proqramı elan edib

Bakı/09.02.23/Turan: ABŞ Beynəlxalq İnkişaf Agentliyi (USAID) tərəfindən maliyyələşdirilən Media və Jurnalistika Fəaliyyəti (MJF) çərçivəsində gənclər üçün media və jurnalistika sahəsində  beynəlxalq və yerli təcrübə proqramını elan edib.

Bu barədə USAİD-n məlumatında deyilir.  

Məlumatda deyilir ki, media və jurnalistika sahəsini əhatə edəcək yerli təcrübə proqramı həftəlik 20 saat olmaqla may və iyul aylarını əhatə edəcək. Üç ay müddətində təcrübə qazanmaqda maraqlı olan üç gənc rəqabət əsasında seçiləcəkr. Sənədləri təqdim etmək üçün son tarix 30 martdır. 

“Qeyd edək ki, təcrübəçilər Bakıda fəaliyyət göstərən üç müstəqil və peşəkar media qurumlarında təcrübə keçəcəklər”, USAİD bildirir.

MJF eyni zamanda media və jurnalistika sahəsində Türkiyə və Avropa ölkələrində təcrübə keçmək istəyən Azərbaycan vətəndaşlarını "Beynəlxalq təcrübə proqramına" müraciət etməyə dəvət edir.

“Bu proqram həftədə 40 saat olmaqla 2 ay müddəti (may və iyun ayları) əhatə edəcək. Təcrübə qazanmaqda maraqlı olan üç gənc rəqabət əsasında seçiləcək. Sənədləri təqdim etmək üçün son tarix - 28 fevral. Təcrübə proqramı müddətində təcrübə keçəcək hər bir iştirakçının səfər, qalmaq və gündəlik xərcləri MJF tərəfindən ödəniləcək. Lakin təcrübəçilərə aylıq maaşın verilməsi nəzərdə tutulmur. Təcrübəçilər Türkiyə və Avropa ölkələrində fəaliyyət göstərən üç  müstəqil və peşəkar media qurumlarında təcrübə keçəcəklər”, məlumatda qeyd edilir.