Vardanyanın ortaya çıxması ermənilər və azərbaycanlılar arasında dialoqa zərbə vurub - Bayramov

Bakı/27.12.22/Turan: Qanunsuz silahlı birləşmələrin Qarabağdan çıxarılması Ermənistanın öhdəliyidir və Azərbaycan hər dəfə danışıqlar zamanı bu məsələni qaldırır.

"Biz bundan sonra da bu məsələni qaldırmağa davam edəcəyik", deyə Azərbaycanın XİN başçısı Ceyhun Bayramov çərşənbə axşamı Bakıda keçirilən mətbuat konfransında bildirib.

O, Bakının Qarabağda etnik ermənilərin bütün hüquqlarına zəmanət verildiyi və Bakının bu məsələ ilə bağlı dialoqa açıq olduğu haqqında mövqeyini təsdiq edib.

"Bu istiqamətdə müəyyən addımlar atılır və onlar davam etdiriləcək. Kimsə məqsədyönlü şəkildə bu prosesə müdaxilə edirsə və regiona mənfi reputasiyalı insan gətirilirsə, bu normallaşmaya və dialoqa zərbədir. Azərbaycan bütün bunların qarşısını almaq iqtidarındadır", deyə Bayramov Ruben Vardanyanın fəaliyyətinə eyhamla bildirib və bildirib  ki, Bakının  Ruben Vardanyanala “heç bir əlaqəsi olmayacaq”.

Regionun ekologiyasına ziyan vurulması məsələsinə toxunan nazir deyib ki, Azərbaycan ekologiyaya vurulan ziyana və resursların qanunsuz istismarına görə 2023-cü ilin əvvəllərində Ermənistana qarşı iddialar qaldıracaq. 02D