Vaşinqton: Qanunsuz “Vaqner” birləşməsi terrorçulardan ibarətdir, Ukrayna isə lazım olan hər şeyi alacaq

Vaşinqton/21.01.23/Turan: Cümə günü Bayden administrasiyası Rusiyanın özəl hərbi bölməsi “Vaqner qrupu”na qarşı sanksiyalar tətbiq etmək və onu transmilli cinayətkar təşkilat kimi tanımaq niyyətində olduğunu bildirib, Turan-ın Vaşinqton müxbiri məlumat verib.

"Bu birləşmə transkontinental təhlükə yaradır", - Milli Təhlükəsizlik Şurasının üzvü Con Kirbi Ağ Evdə keçirdiyi brifinqdə deyib

“Vaqner qrupu” rusiyalı oliqarx Yevgeni Priqojinə məxsusdur. Kirbi noyabr ayında Rusiyadan Şimali Koreyaya və geriyə qayıdan Rusiya vaqonlarının fotolarını təqdim edib. Vaşinqton hesab edir ki,  orada Rusiyanın Ukraynada istifadə etdiyi raketlər olub.

“Şimali Koreyadan silah tədarükü "Birləşmiş Millətlər Təşkilatı Təhlükəsizlik Şurasının qətnaməsinin birbaşa pozulmasıdır", - o deyib və əlavə edib ki, ABŞ öz  kəşfiyyat məlumatlarını Təhlükəsizlik Şurası ilə paylaşıb.

Kirbi həmçinin deyib ki, muzdlulardan ibarət təşkilat “Rusiya hərbçilərilə rəqabətdə ola güc mərkəzinə çevrilir. Bu 50 min nəfərdir, onlardan 40 mini cinayətkardır.

Kirbi jurnalistlərlə söhbətində Almaniyanın Ukraynaya tank vermək istəməməsini də şərh edib. Almaniya Ukraynaya çoxlu avadanlıq, o cümlədən bəzi hava hücumundan müdafiə vasitəsi və bir neçə zirehli texnika verib. Ancaq indi müharibənin başqa mərhələsidir, ona görə də NATO ölkələri Ukraynaya başqa imkanlar təqdim etməlidirlər.

Həmin gün prezident Co Bayden Ukraynaya “Leopard” tanklarının göndərilməsini dəstəkləyib-dəstəkləməməsilə bağlı jurnalistlərin sualını cavablandırarkən deyib ki, ölkə Rusiya qoşunları ilə mübarizədə lazım olan “bütün yardımı” alacaq. 0