Vaşinqtonda ABŞ dövlət katibinin Azərbaycan və Ermənistan XİN başçıları ilə görüşü keçiriləcək /YENİLƏNİB/

Blinken-Mirzoyan-Bayramov görüşü gecə saat 1-də başlayacaq

TURANın Vaşinqtondakı müxbiri xəbər verir ki, ABŞ dövlət katibi Entoni Blinkenin Ermənistan xarici işlər nazirləri Ararat Mirzoyan və Azərbaycanın xarici işlər nazirləri Ceyhun Bayramovla Vaşinqtonda görüşü yerli vaxtla saat 16:00-da başlayacaq.

Bu, Bakı vaxtı ilə saat 1 deməkdir. -0-

*   *   *

2022 Noyabr 07 (Bazar ertəsi) 09:40:42

Vaşinqtonda ABŞ dövlət katibinin Azərbaycan və Ermənistan XİN başçıları ilə görüşü keçiriləcək

Bakı/07.11.22/Turan: Noyabrın 7-də Vaşinqtonda ABŞ dövlət katibi Entoni Blinkenin Azərbaycan və Ermənistan XİN başçıları ilə üçtərəfli görüşü keçiriləcək.

Azərbaycan XİN-dən verilən məlumata görə, Ceyhun Bayramov noyabrın 6-da Vaşinqtona səfərə gedib.

Ermənitan tərəfi də Ararat Mirzoyanın ABŞ-a səfər etdiyini təsdiq edib.

Xatırladaq ki, bu görüşün keçirilməsi təşəbbüsü Blinkenə aiddir. 

Vaşinqtondakı diplomatik mənbələr görüşün yekunlarına dair hər hansı sənədin imzalanması ehtimalı ilə bağlı şərh vermirlər.

Dövlət Departamentinin nümayəndələri dəfələrlə ABŞ-ın Bakını və Yerevanı münaqişənin dinc həlli yolunu tapmağa çağırdığını və bu səylərə hər cür dəstək verməyə hazır olduğunu bəyan ediblər. 

Bir sıra ekspertlərin fikrincə, ABŞ bu məsələdə təşəbbüsü Rusiyaya vermək niyyətində deyil. 06B