Xarici işlər naziri sərhəd demarkasiya razılaşmasının hazırlanması fonunda istefa etdi

Bakı/27.05.21/Turan: Ermənistan xarici işlər naziri Ara Ayvazyan cümə axşamı  istefa verdi. Səbəb sərhədlərin müəyyənləşdirilməsinə dair Azərbaycanla imzalanacaq sazişlə razılaşmamaqdır.

Günortadan Baş nazir Nikol Paşinyan beynəlxalq ictimaiyyətə və Azərbaycan hakimiyyətinə sərhəd böhranının həlli üçün müraciət etdi. Paşinyan təklif etdi ki Ermənistan və Azərbaycanın qoşunları sərhəddən geri çəkilir, Rusiya və ya ATƏT-in Minsk Qrupunun həmsədr ölkələrindən beynəlxalq müşahidəçiləri ora yerləşdirilir.
Bakı hələ ki Paşinyanın bu açıqlamasına münasibət bildirməyib.

Bu arada, erməni KİV-ləri Ermənistanın müdafiə naziri Vaqarşak Arutyunyanın Moskvada olduğunu və burada Ermənistanla Azərbaycan arasında gələcək sərhəd xəttini Moskva və Bakı təmsilçiləri ilə razılaşdırdıgını barədə məlumat yaydı.

Ermənistan müxalifəti yenidən Paşinyan hökumətini bu ölkənin suverenliyinin pozmagda və xəyanətdə günahlandırdı. Xarici işlər naziri Ara Ayvazyan heç bir şey bilmədiyini söyləyərək özünü bu söhbətlərdən ayırmağa tələsdi. -02B-