Yanvarda Azərbaycana peyvənd gətiriləcək, COVİD-19 ilə mübarizəyə 644 milyon manat xərclənib

Bakı/07.01.21/Turan: Yanvar ayında koronavirus peyvəndinin Azərbaycana gətiriləcəyi gözlənilir. Bu barədə prezident İlham Əliyev yanvarın 6-da 2020-ci ilin yekunlarına həsr  olunmuş bildirib.

Həkimlər səfərbər olunub, onların maaşları artırılıb, 3-5 dəfə çox alırlar. Əhaliyə böyük sosial paket təqdim edilib, buraya işsizlər və müvəqqəti olaraq işləməyənlər də daxildir. Bunun üçün vəsaitin ümumi məbləği bir neçə milyard manatdır.

“Bu gün biz peyvəndi gözləyirik. Ümid edirik ki, peyvənd bu ay ərzində Azərbaycana gətiriləcək, bütün kontraktlar imzalanıb. Sonra kütləvi peyvəndləmə olacaq”, - İ.Əliyev qeyd edib.

Öz növbəsində   baş naziri Əli Əsədov deyib ki,  COVID-19-la mübarizəyə 644 mln. manat sərf olunub. Bu il daha 261 mln. manatın xərclənməsi nəzərdə tutulur.

2020-ci ildə böyük işlərin görüldüyünü nəzərə alaraq əlavə xəstəxanalara, modul xəstəxanalara ehtiyac yoxdur. "Biz işsizlərə və işini müvəqqəti itirənlərə 190 manatlıq birdəfəlik ödənişi dörd dəfə ödəmişik. Buna 450 mln. manat xərclənib”, - baş nazir bildirib.-16D-