Hasmik Samvelyan.
Bakı/17.09.22/Turan: Sentyabrın 13-də Ermənistan-Azərbaycan sərhədində döyüşlər zamanı 10-dan çox erməni hərbçi əsir düşüb. Bu barədə KİV-ə Ermənistanın Avropa İnsan Hüquqları Məhkəməsindəki nümayəndəsi Asmik Samvelyan bildirib.
Onun sözlərinə görə, Avropa İnsan Hüquqları Məhkəməsi əsir düşən ermənilərin taleyilə bağlı Azərbaycana sorğu göndərib. O həmçinin bildirib ki, Ermənistan Azərbaycanı hərbi cinayətlərdə ittiham edərək Beynəlxalq Ədalət Məhkəməsində iddia qaldırıb.
Qeyd edək ki, Azərbaycan Müdafiə Nazirliyi 12-13 sentyabr hərbi əməliyyatları zamanı erməni hərbçilərin əsir düşməsi haqda məlumat yaymayıb. 0
Siyasət
-
Toplum TV-nin təsisçisi Ələsgər Məmmədli bu gün Xətai Rayon Məhkəməsində pis rəftara məruz qalıb. O, həbs müddətinin uzadılması ilə əlaqədar oraya aparılmışdı. İstintaq Təcridxanasına qaytarıldıqdan sonra qardaşı Nəsimi Məmmədliyə zəng edib və proses başlayana qədər onu qolları qandallı halda məhkəmə binasında bir otaqda saatlarla gözlətdiklərini bildirib.
-
Azərbaycan hökuməti Ukraynanın işğaldan azad edildikdən sonra bərpa olunan İrpen şəhərində 4 layihəni maliyyələşdirəcək. Bu barədə həmin şəhərin meri Oleksandr Markuşin oktyabrın 2-də Azərbaycan prezidentinin xarici siyasət məsələləri üzrə köməkçisi Hikmət Hacıyevlə görüşdən sonra facebook-da yazıb.
-
"Vidadi İsgəndərlinin zorakı qətli səmərli və operativ şəkildə araşdırılmalıdır. Fransa hakimiyyətini onun mühacirətə getməsinə səbəb olan Azərbaycan prezidentinin və hökumətinin tənqidi də daxil olmaqla, qətlin bütün mümkün motivlərini nəzərdən keçirməyə çağırırıq. Bu mənfur cinayət təcili araşdırılmalıdır və ədalətli məhkəmə təhqiqatı zamanı bu cinayətdə şübhəli bilinən hər kəs məsuliyyətə cəlb edilməlidir". Bu barədə Amnesty İnternational təşkilatının Cənubi Qafqaz üzrə nümayəndəsi Natalya Nozadzenin bəyanatında bildirilir.
-
2-3 oktyabr tarixlərində Rusiyanın Xarici Kəşfiyyat Xidmətinin direktoru Sergey Narışkin Bakıya rəsmi səfərə gəlib. Səfər zamanı Azərbaycan prezidenti İlham Əliyev və Azərbaycanın Xarici Kəşfiyyat Xidmətinin və Dövlət Təhlükəsizliyi Xidmətinin rəhbərliyi ilə görüşlər keçirilib.
Rəy yaz