Yerevan Azərbaycanda yol tikintisinin onunla razılaşdırılmasını tələb edir

Bakı/04.08.22/Turan: Laçın dəhlizinin yeni marşrutunun tikintisi planını Ermənistanla heç kim razılaşdırmayıb. Bu barədə cümə axşamı Ermənistanın baş naziri Nikol Paşinyan hökumətin iclasında bildirib.

O, Azərbaycanı 9 noyabr 2020-ci il tarixli üçtərəfli bəyanatı pozmaqda ittiham edib. Belə ki, bu sənədin 6-cı bəndində deyilir ki, “tərəflərin razılığı ilə yaxın üç ildə Laçın dəhlizilə Dağlıq Qarabağla Ermənistan arasında əlaqəni təmin edən (sonradan bu marşrutun mühafizəsi üçün Rusiya sülhməramlı kontingentinin yenidən dislokasiyası) yeni hərəkət marşrutunun tikintisi planı müəyyən ediləcək.

İndiyədək üç tərəfin razılaşdırılmış tikinti planı mövcud deyil. Ona görə də Azərbaycanın Laçın dəhlizinə nəzarətin ona verilməsi tələbləri özbaşınalıqdır.

Eyni zamanda o, etiraf edib ki, Ermənistan Laçın dəhlizinin yeni marşrutu ilə birləşməli olan Kornidzor-Tex yolunun tikintisinə başlayıb.

Daha sonra Paşinyan mühüm qeyd edib ki, bu, Ermənistanın yeni marşrutdan istifadə etməkdən imtinasının səbəbini izah edir.

“Alternativ yolun tikintisi planı bir sıra mühüm məsələləri, o cümlədən Dağlıq Qarabağa elektrik enerjisi və qaz təchizatı, həmçinin təhlükəsizlik məsələlərini dəqiqlşdirməlidir”, - Paşinyan deyib.

Sonra o, Rusiyanın Qarabağdakı sülhməramlı əməliyyatının təfərrüatlarına aydınlıq gətirilməsinin vacibliyini bildirib. Paşinyan sülhməramlıları “2020-ci ilin dekabrında Xtsaberd və Xin Taher kəndlərinin ələ keçirilməsində və orada erməni hərbçilərin əsir götürülməsində”, həmçinin 2022-ci ilin martında Fərrux kəndinin ələ keçirilməsində ittiham edib.

Bu vəziyyətdə sülhməramlıların hərəkətsizliyi qəbuledilməzdir, Paşinyan deyib. “Odur ki, Dağlıq Qarabağda sülhməramlı əməliyyata aydınlıq gətirmək lazımdır”, - o əlavə edib.

Paşinyanın sözlərinə görə, Azərbaycan sülhməramlıların mandatını imzalamaqdan imtina edib, halbukiki, Ermənistan bunu hələ 2020-ci ilin noyabrında edib. "Biz gözləyirik ki, ikitərəfli formatda imzalanmış bu mandat tam qüvvəyə minsin", - o əlavə edib.

Sonra o, sülhməramlıların təmas xəttini - öz məsuliyyət zonasını qorumamasından narazılığını bildirib.

O həmçinin Azərbaycanı “Dağlıq Qarabağ” anlayışının mövcudluğunu ləğv etmək cəhdində ittiham edib, bunu üçtərəfli bəyanatın pozulması adlandırıb.

Ermənistanla əlaqəni təmin edən təmas xəttinin və Laçın dəhlizinin olması da qeydə edilib.

“Ermənistan ümid edir ki, təmas xəttini pozmaq üçün istənilən cəhdin qarşısı  Rusiya sülhməramlıları tərəfindən alınacaq, onu pozan Azərbaycan bölmələri is çıxarılacaq”, - Paşinyan fikrini yekunlaşdırıb. 02D