Yerevan Bakı ilə sülh danışıqlarını bərpa etməyə hazırdır – Paşinyan

Bakı/12.08.21/Turan: Ermənistan yüksək səviyyədə danışıqlarda iştirak etməyə hazırdır və konkret təkliflər gözləyir, bunu avqustun 12-də hökumətin iclasında Ermənistanın baş naziri Nikol Paşinyan bəyan edib.

Regiondan gələcək düşmənçilik və konfrontasiya yolverilməzdir. O, bunun təkcə regional deyil, həm də beynəlxalq təhlükəsizliyinə təhdid olduğunu bildirib və qeyd edib ki, düşməçiliyin aradan qaldırılması Ermənistanın regional xarici siyasətinin vacib elementlərindən biri olmalıdır.

“Ermənistan hesab edir ki, uzunmüddətli sülh, təhlükəsizlik, stabillik və inkişaf üçün əsas rolu qonşularla normal münasibətlərin qurulması və/yaxud onları inkişafıdır. Qonşu ölkələrlə münasibətlərin nizamlanması yaxud inkişafı hökumətin xarici siyasətinin vacib istiqaməti olacaq”, - deyə Paşinyan qeyd edib.

Onun sözlərinə görə, bəzi qüvvələr orduda islahatların qonşulara qarşı təcavüzkar hərəkətlər üçün lazım olduğunu deyərək Ermənistanın niyyətlərini səhv təqdim etməyə çalışır. Hər bir sülhsevər ölkə kimi Ermənistan Silahlı Qüvvələrini təcavüz üçün deyil, təcavüzdən müdafiə üçün inkişaf etdirir.

Paşinyanın sözlərinə görə, regiondan sülh səhifəsini açmaq niyyəti xüsusi məsuliyyətdir və hökumətdən xüsusi fəallıq tələb olunur. Ermənistan Azərbaycanla sülh danışıqlarının bərpasına dair təkliflər gözləyir.

Onun sözlərinə görə, atəşkəs rejiminin pozulmasının təşəbbüskarının müəyyənləşdirilməsi və təxribatçının ünvanlı ittiham edilməsi gələcək deeskalasiya və stabillikdə əhəmiyyətli rol oynayır.

“Lakin bənzər prosesi beynəlxalq monitorinqi işə salmadan təsəvvür etmək çətindir”, - deyə Paşinyan bildirib. Onun sözlərinə görə, o artıq KTMT-ə yaxud ATƏT-in Minsk Qrupu həmsədrlərinə bu rolu üzərinə götürməyi təklif etməklə bu məsələyə toxunub.

“Problemli məsələlərin həlli üçün maksimumu etmək lazımdır. Lakin tez həll oluna biləcək problemlər də var. Onların arasında regional kommunikasiyaların və iqtisadi əlaqələrin açılmasıdır.

Azərbaycanla sərhədlərin demarkasiyasi və delimitasiyası məsələsində Ermənistanın mövqeyi dəyişilməzdir – bu istiqamətdə işləri aktivləşdirmək lazımdır. Regionda düşmənçilik atmosferinin dərinləşməsi yolverilməzdir.

Ermənistan sülhsevər ölkədir və Silahlıq Qüvvələrində istisnasız olaraq ərazi bütövlüyünü təmin etmək üçün islahatlar həyata keçirəcək.

Təxribatçı bəyanatlardan və hərəkətlərin çəkinmək lazımdır, bu müvafiq danışıqlar mühütinin formalaşması üçün xüsusilə vacibdir”, - deyə Paşınyandan erməni KİV-ləri sitat gətirir. -02D-