Yerevanda xain qumbaraatanın həbs edildiyi bildirilir

Bakı/18.10.22/Turan: Ermənistanın Milli Təhlükəsizlik Nazirliyi müqavilə əsasında xidmət göstərən hərbi qulluqçu, qumbaraatan, hərbi məlumatları 370 dollara "düşmənə" satan Ermənistan vətəndaşının həbs olunduğunu bildirib.

2021-ci ilin noyabrında o, "Odnoklassniki" sosial şəbəkəsi vasitəsilə xarici xüsusi xidmətlərin iki əməkdaşı ilə tanış olub və əməkdaşlığa cəlb olunaraq, WhatsApp tətbiqi vasitəsilə öz hərbi hissəsinin yeri, döyüş mövqeləri, xidmət qaydası, avtotexnikanın mövcudluğu haqqında məlumat verib.

MTN hərbi qulluqçunun gizlicə əməkdaşlıq etdiyi ölkənin adını açıqlamır.

Qeyd edək ki, Ermənistanda Azərbaycanın xeyrinə casusluq geniş yayılıb. Bu il oktyabrın 15-də də Ermənistanın Milli Təhlükəsizlik Xidməti Ermənistan SQ-nin zabitinin "xarici kəşfiyyata" casusluğa görə həbs olunduğunu bildirib. O da "Odnoklassniki"dən istifadə edib.

2022-ci il fevralın 22-də isə bu ölkədə Azərbaycan xüsusi xidmətləri ilə gizli əməkdaşlıqda ittiham olunan 19 vətəndaş həbs olunub.

Ermənistanda əvvəlki illərdə də belə hadisələr olub. -0-