Saleh Rüstəmov
Bakı/22.11.21/Turan: Gədəbəy rayonunun hazırda həbsdə olan keçmiş icra başçısı Saleh Rüstəmovun vəziyyəti pisləşməyə davam edir. Bu barədə onun ailə üzvləri məlumat verib.
Onların sözlərinə görə, bu gün vəkil Bəhruz Bayramov Penitensiar Xidmətin Müalicə Müəssisəsində artıq 17-ci gündür aclıq aksiyası keçirən Rüstəmova baş çəkib. "Onlar şüşə arxasından telefonla danışıblar. Saleh bəy son dərəcə halsız idi, qırıq-qırıq səslə, güclə danışırdı. Cəmi 10 dəqiqə dayana bildi. Dedi ki, sona qədər aclığı davam etdirəcək, həftə içi nəticəni tezləşdirmək üçün quru aclığa keçəcək".
Məsələ ilə bağlı Penitensiar Xidmətdən münasibət öyrənmək mümkün olmayıb.
* Rüstəmov 2018-ci il mayın 8-də narkotik ittihamıyla tutulub. İki gün sonra onun qardaşı oğlu Vidadi Rüstəmli də eyni ittihamla saxlanıb. Sonra, mayın 25-də Azərbaycan Xalq Cəbhəsi Partiyasının (AXCP) üç funksioneri (Aqil Məhərrəmov, Babək Həsənov və Ruslan Nəsirov) tutulub. Bundan sonra ittihamların dəyişdiyi bəlli olub. Onların saxlanılması ilə bağlı yayılan rəsmi açıqlamaya görə, AXCP funksionerləri və Rüstəmov çirkli pul vəsaitlərini leqallaşdırmaqda günahlandırılırlar.
AXCP ittihami təkzib etmişdi. Bakı Ağır Cinayətlər Məhkəməsinin hökmü ilə Rüstəmov 7 il 3 ay, Məhərrəmov 4 il, Həsənov isə 3 il azadlıqdan məhrum edilib. Rüstəmli və Nəsirova şərti cəza verilib. Onların hamısı məhkəmədə ittihamları qəbul etməyiblər. Həsənov bu il martın 18-də əfv sərəncamı ilə azadlığa buraxılıb. -0-
Cəmiyyət
-
Lider mobil operator “OPPO” və “Honor” cihazlarını əldə edən müştərilərə 3 ay boyunca 5 GB internet hədiyyə edir Azercell Yeni il ərəfəsində abunəçiləri üçün xüsusi kampaniya elan edir. Lider mobil operator “OPPO” və “Honor” cihazları əldə edən fakturasız xətt abunəçilərinə 3 ay boyunca 5 GB internet hədiyyə edir.
-
Bugünlərdə deputat Qüdrət Həsənquliyev parlamentdə prezidentə yalnız məhkumları deyil, istintaq altında olan şəxsləri də əfv etmək səlahiyyətinin verilməsi ilə bağlı təşəbbüs qaldırıb.
-
Tarixçi Cəmil Həsənlinin son Facebook paylaşımı Azərbaycanın pensiya sistemi və əmək bazarı ilə bağlı müzakirələri yenidən alovlandırıb, sosial təminat və məşğulluq siyasətlərindəki ciddi çatışmazlıqları üzə çıxarıb. Kəskin tənqid, Əmək və Əhalinin Sosial Müdafiəsi Naziri Sahil Babayevin parlament iclasında “heç vaxt işləməmiş və sosial sığortaya töhfə verməmiş şəxslərin pensiya hüququ olmamalıdır” bəyanatından sonra gəldi. Bu açıqlama, məşğulluq boşluqları və məhdud sosial təminat şəbəkələrinin bərabərsizliyi artırdığı Azərbaycanın əmək və pensiya sistemindəki köklü struktur problemlərinə diqqəti cəlb edib.
-
Azərbaycanda bir qrup tiktoker inzibati qaydada həbs olunub. DİN-in mətbuat xidmətinin məlumatına görə, saxlanılan şəxslər "sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar" edirdilər.
Rəy yaz