Qarabağ əlili məhkəmə icracısını dövləti cinayətdə ittiham edir

Qarabağ müharibəsinin I qrup əlili Məğrur Bədəlsoy oğlu Zahid Bədəlova qarşı haqsızlıqlara dair mətbuat konfransı keçirib.
O, Xətai rayon məhkəmə icraçılarını məhkəmə səlahiyyətlərini mənimsəmək, dövlət adına saxtakarlıq etmək, dövləti cinayətə yol vermək kimi ağır ittihamlara məruz qoyub.
Bu ittihamlara səbəb isə Z.Bədəlovun 2012-ci illin əvvəllində Yasamal rayon ərazisində yol verdiyi yol qəzasıdır. Həmin qəzada iki avtomobil əzilib. Z.Bədəlov bunlardan birinin zərərini ödəyib. Digəri isə “Atəşgah” sığorta şirkətində sığortalı olub. Z.Bədəlov özü isə 100 manat həcmində cərimə edilib.
Bu məsələ ilə bağlı 2012-ci ilin ortalarında Xətai rayon məhkəmə icra idarəsindən Z.Bədəlova 3 min manatdan çox borcu olması ilə bağlı idarəyə gəlməsi təklif edilir. Z.Bədəlov gəlir, məhkəmə icraçıları barəsində məhkəmə qərarı olduğuna görə borcu ödəməsini tələb edirlər. 2012-ci il aprelində keçirilmiş hansısa məhkəmənin qərarına görə maşınına həbs qoyulur və indiyə kimi də həbsdə saxlayırlar. M.Bədəlsoy belə prosesin olub-olmaması ilə bağlı 2012-ci ildə Xətai rayon məhkəməsinə sorğu verib. Sorğuya Z.Bədəlov cavabdeh olmaqla Xətai rayon məhkəməsinə hər-hansı mülki iddia daxil olmaması cavabı verilib. Belə bir məhkəmə prosesinin olmaması faktı üzə çıxıb. M.Bədəlsoy K.Əliyevin bu hərəkətini dövləti cinayət, korrupsiya kimi dəyərləndirib.
M.Bədəlsoy bu addımı “Atəşgah” sığorta şirkətinin icra məmurları ilə işbirliyi yaradaraq 2012-ci ilin əvvəlindəki yol qəzasına görə müştərisinə ödədiyi sığorta pulunu bu yolla geri qaytarmaq istəyi kimi dəyərləndirib.
Bu il fevralın 21-də Xətai rayon məhkəmə icraçısı Kamil Əliyev Z.Bədəlovu çağırıb və 5 saat saxlayaraq borcu ödəməsini tələb edib. Polisə məhkəmə qərarı olmadan Z.Bədəlovun məcburi gətirilməsi tapşırığı verilib. Məhkəmə qərarı olmadığı üçün M.Bədəlsoy Z.Bədəlovun məcburi gətirilməsini də qanunsuz adlandırıb. M.Bədəlsoy qeyd edib ki, oğlunu təzyiqlərdən, maşınını qanunsuz həbsdən xilas etmək üçün bütün isntansiyalara müraciət etsə də, hər-hansı cavab almayıb. -05C-