Artırılan minimum əmək haqqı və pensiya bahalaşmaya adekvatdırmı? – Qubad İbadoğlu Çətin sual qarşısında

Bakı/05.01.23/Turan: Azərbaycan Prezidenti İlham Əliyev yanvarın 5-də 2023-cü ildə minimum aylıq əməkhaqqının məbləğinin 345 manat olması ilə bağlı qərar verib. Artım 15 faizdir, daha öncəki məbləğ 300 manat olub. Bu artım isə 700 min nəfəri əhatə edəcək. Bu il üçün müəyyən olunan yaşayış minimumunu isə 246 manatdır.

Minimum pensiya isə 280 manata çatdırılacaq, müavinət və təqaüdlər artırılacaq. Bununla bağlı Nazirlər Kabineti təkliflərini on gün müddətində hazırlayaraq dövlət başçısına təqdim edəcək.Bu, 16,7 faiz artım deməkdir. Daha öncəki məbləğ 240 manat olub. Artım 100 minədək pensiyaçını əhatə edəcək.

Artırılan minimum əmək haqqı və pensiya ölkədəki inflyasiyaya adekvatdırmı?

İqtisadçı, Azərbaycan Demokratiya və Rifah Partiyasının sədri Qubad İbadoğlu Kamran Mahmudovun təqdimatında yayımlanan “Çətin sual” verilişində bu barədə danışır.