Aprel döyüşləri böyük Qarabağ müharibənin xəbərçisi idi

2016-cı ilin aprelində Qarabağda 20 ildən çox davam edən atəşkəsdən sonra Azərbaycan Silahlı Qüvvələrinin erməni ordusuna mikroməğlubiyyət yaşatdığı üçgünlük döyüşlərdən dərhal sonra Turan Agentliyinin Analitika Xidməti “Rusiyanın Cənuba sıçraması yolunda Qarabağ münaqişəsi” sərlövhəli məqalə dərc etmişdi. Biz məqalədə erməniləri şoka salan qələbəyüklü kiçik müharibənin səbəbini, regionda qüvvələrin balansını və Ermənistan-Azərbaycan münaqişəsinə cəlb olunmuş əsas xarici siyasi oyunçuların maraqlarını izah etməyə çalışmışdıq.

Analitika xidməti belə bir nəticəyə gəlmişdi ki, aprel döyüşləri Yerevana ABŞ, Rusiya, Türkiyə və İranın Ön Asiya regionunda yaranmış yeni maraqlarını nəzərə alaraq, Qarabağ münaqişəsi üzrə mövqeyinə yenidən baxmalı olması zərurəti haqqında ilk əyani mesaj idi.

Hazırki genişmiqyaslı hərbi əməliyyatlar və lokal aprel döyüşləri arasındakı zaman kəsiyi göstərir ki, Ermənistan cəmiyyəti dəyişən dünya nizam-intizamını nəzərə almayıb və dörd imperiya dövlətinin maraqlarına məhəl qoymayıb. Bu mənada başlayan müharibə qaçılmaz və zəruri idi. “Rusiyanın Cənuba sıçraması yolunda Qarabağ münaqişəsi” məqaləsində bu, proqnozlaşdırılmışdı.