Bakı/21.08.18/Turan: Qurban yarmarkası üçün Siyəzəndən gətirilən onlarla qurbanlıq heyvanın tələf olduğu bildirilir.
Turan-ın məlumatına görə, Siyəzəndən Bakıya gətirilən heyvanlar yük maşınında havalandırma sisteminin olmaması səbəbindən boğularaq tələf olub.
Tələf olan xırdabuynuzlu heyvanların sayının 60-dan çox olduğu bildirilir.
Hadisənin şahidlərinin bildirdiyinə görə, 70-ə yaxın xırdabuynuzlu qurbanlıq heyvan Siyəzən rayonundan gətirilib. Həmin heyvanların Nizami rayonundakı Milord restoranının yaxınlığındakı yarmarkada satışa çıxarılacağı planlaşdırılıb. Ancaq yarmarkaya çatdıqdan sonra heyvanların havasızlıqdan boğulduğu məlum olub. Yalnız bir neçə heyvan sağ qalıb.
Sosial şəbəkələrdə tələf olan heyvanların kəsilməsi, ətinin satışa çıxarılması barədə bilgilər yayılsa da, Qida Təhlükəsizliyi Agentliyi həmin məlumatları təkzib edib.
Turan-ın məlumatına görə, agentliyin mətbuat xidmətinin rəhbəri Mansur Piriyev deyib ki, aidiyyatı olan qurumlar hadisəni dərhal nəzarətə götürüblər.
"Hadisə yerində lazımi tədbirlər görüldü. Tələf olan qoyunlar yığışdırılıb. Onların satışına icazə verilməyib", deyən agentlik sözçüsü hüquq mühafizə qurumlarının da öz səlahiyyətləri çərçivəsində gərəkli addımları atdığını ifadə edib.--0--
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz